Escarificacion

L'escarificacion (var. escarraunhadura) es una practica medicala ò sociala que consistís a incisar ò a cremar la pèu per i crear de motius (dessenh, mòt... etc.) permanents. Es fòrça frequenta en Africa de l'Oèst e dins certanei regions d'Oceania ont es una marca d'identificacion tribala e d'estatut sociau (rite de passatge, posicion au sen de la societat... etc.). Èra tanben coneguda en Euròpa dempuei l'Antiquitat en medecina ont èra utilizada dins l'encastre dei sagnadas, especialament entre lei sègles XVI e XVIII.