Futur

Lo futur es lo temps a venir, l'avenir, l'avenidor, l'esdevenidor (tanben dit en gasc. aviéner, avier, avénguer o avenider; en lem. endevenidor) o lo deman. L'umanitat a esmerçat, de temps immemorial ençai un grand esfòrç a provar de descobrir cossí serà l'avenudor e a creat un fum d'arts e sabers endevinatoris per una tala fin; modernament, son estadas desvolopats de disciplinas que, a partir de la sciéncia an contribuit a aquel esfòrç, la mai reüsida n'essent la prospectiva. En fòrça culturas aqueles fenomèns an una granda importància, jos la forma de prediccions, de qualque oracle o profecia o de legendas explicativas. En Euròpa la sciéncia a batejat aquelas tendéncias coma supersticion e los autreja pas cap de valor. An una grand succés, ça qua la, las profecias de Nostradamus e la que s'atribuís a Malaquias d'Armagh suls papas.