Grendel
Grendel es un personatge del poèma anglo-saxon Beowulf. Aqueste mostre es lo primièr antagonista de l’eròi Beowulf.
Istòria
[modificar | Modificar lo còdi]Grendel es un descendent de Caín, lo primièr murtrièr segon la Bíblia. Dempuèi sa tuna, situada dins un paluns, entend las cançons e los rires de la cort del rei danés Hrothgar, çò que l’enrabia. Ataca Heorot, lo palais de Hrothgar, e tua mai d’un de sos guerrièrs. Pas un d’asuestes se pòt mesurar a sa fòrça subrumana, tant mai que las espasas lo pòdon pas ferrir, e Heorot acaba per èsser abandonada.
Avent entendut parlar de la situacion, le Geat Beowulf se prepausa de venir en ajuda a Hrothgar e passa la nuèch dins Heorot amb sos companhs. Quand Grendel arriba, una violenta luta a mans comença entre Beowulf e el. Lo Geat ne sortís fin finala venceire e arranca un braç del mostre, que fugís brmant cap a sa tuta. Una granda fèsta se debana alara, e lo braç de Grendel es clavelat als cabirons de Heorot. L’endeman, Eschere, un conselher de Hrothgar, es tuat: es la maire de Grendel, venguda venjar son filh. Serà lo segond adversari de Beowulf.
Etimologia
[modificar | Modificar lo còdi]L'etimologia del nom Grendel es pas segura. Seriá ligat a grind (« brigalhar »).
Bibliografia
[modificar | Modificar lo còdi]- (en) Philip Cardew, « Grendel : Bordering the Human », dans Tom Shippey (dir.), The Shadow-Walkers : Jacob Grimm's Mythology of the Monstrous, Turnhout / Tempe (Arizona), Brepols / Arizona center for Medieval and Renaissance studies, coll. « Medieval and Renaissance texts and studies / Arizona studies in the Middle Ages and Renaissance » (no 291 / 14), 2005, X-433 p. (ISBN 978-0-86698-334-1, 0-86698-334-1 et 2-503-52094-4), p. 189–205.