Jerry Rubin
_-_Spectrum_13Mar1970.jpg)
Jerry Rubin (14 de julhet de 1938 – 28 de novembre de 1994) es un militant libertari[1] e antimilitarista estatsunian dels ans 1960 e 1970, cofondator del movement Youth International Party, puèi virat dins los afars a partir dels ans 1980.
Biografia
[modificar | Modificar lo còdi]D'origina josieva, nascut a Cincinnati, Rubin es lo filh d'un mercand de pan e delegat sindical. Los paires moriguèron a detz meses d'interval en 1960 e 1961, lo daissant sol per elevar son fraire cabdet, Gil, qu'aviá 13 ans. Decideiguèt de li far descobrir lo mond e lo menèt en Índia. Mas, a causa de las protestacions de sa familha, iabandonèt son projècte e lo menèt alara a Tel Aviv. Gil aprenguè l'ebrieu e decidiguèt, mai tard, de demorar en Israèl e de viure dins un kibbotz.
Dels Yippies...
[modificar | Modificar lo còdi]Jerry Rubin torna als EUA ont escriguèt per diferents jornals en parallèl dels estudis. Obtenguèt una licéncia de sociologia a l'universitat de Cincinnati. Intrèt alara a l'universitat de Berkeley en Califòrnia, en 1964, mas deceidiguèt lèu d'abandonar los estudis per se consacrar al militantisme.
Jerry Rubin comença son engatjament per una protestacion contra un epicièr de Berkeley que refusava de far trabalhar de negres.
.jpg)
Fondèt lo VDC (Vietnam Day Committee), e organizèt las primièras manifestacions contra la guèrra del Vietnam. Es tanben cofondator del movement Yippies (Youth International Party), amb Abbie Hoffman, e es del costat de la candidatura de Pigasus. Tanben joguèt un ròtle fondamental dins l'interrupcion de la Convencion nacionala democrata de 1968 a Chicago. Amb set autres activistas, foguèt jutjat per conspiracion e incitacion a l'insurreccion. Julius Hoffman èra lo president del tribunal. Los set accusats, chafrats los « Chicago Seven », transformèron lo tribunal en un circ, e pasmens se cinq d'aqueles foguèron jutjats copables d'incitacion a l'insurreccion, foguèron inoncenciats en apelacion.
Jerry Rubin escriguèt de libres presentent son engatjament e sas idèas, coma Do It ! Scénarios de la révolution[2], escrich en 1970, amb une introduccion redigida per Eldridge Cleaver, membre de las Black Panther e de dessenhs de Quentin Fiore. Aquel libre es presentat coma lo manifèst Yippie. En França, Rubin e son movement foguèron vists coma los inspirators del movement de Mai de 68, afiliacion revendicada pel quite Daniel Cohn-Bendit, e puntada per de marxistas antiseissenteuitencs coma Michel Clouscard.
... cap als Yuppies
[modificar | Modificar lo còdi]A la fin de la guèrra del Vietnam, Rubin ven un important entreprenaire e òme d'afars, tipic Yuppie dels ans 80 (foguèt un dels primièrs investisseires de l'entrepresa Apple[3]), e fervorós republican reaganian. Interrogat sus l'incoeréncia de son percors, respondava que "lo mond a cambiat, tanben devèm cambiari" e que "la creacion de riquesas es la sola veratadièra revolucion americana".
Lo 14 de novembre de 1994, alara qu'anava cap a promesa, Rubin passa, fòra dels passatge protegit, una carrièra de sièis vias fòrça frequentada près de l'universitat de Los Angeles. Una veitura de pauc lo manca mas la seguenta capita pas a evitar Rubin. Foguèt menat a l'espital, ont moriguèt 14 jornsmai tard.Es interrat al Hillside Memorial Park Cemetery a Culver City en Califòrnia.
Citacion
[modificar | Modificar lo còdi]« Une societat qu'abolís tota aventura, fa de l’abolicion d'aquela societat la sola aventura possibla. »[4] Citacion utimizada (dins Do it) per Raoul Vaneigem dins son Tractat de saber viure a l'usatge de las jovas generacions: « Dins una societat qu'abolís tota aventura, la sola aventura possibla es l'abolicion de la quita societat. »
Bibliografia
[modificar | Modificar lo còdi]- Steven Jezo-Vannier, San Francisco - L’utopie libertaire des sixties, Le Mot et le Reste, 2010.
- Jean-Christophe Angaut, Anarchisme et libéralisme. Une démarcation, École normale supérieure de Lyon, Triangle (UMR 5206), 2011, note 1, page 1.
Articles connèxes
[modificar | Modificar lo còdi]Ligams extèrnes
[modificar | Modificar lo còdi]- Turn on, tune in, drop out !, un tèxte sus las accions de Jerry Rubin e d'autres contra la guèrra del Vietnam
- (en) Jerry Rubin: Activist changed his rap, The Cincinnati Post, 05-04-99
Notas e referéncias
[modificar | Modificar lo còdi]- ↑ Jean-Paul Laurens, Épistémologie, éthique et politique, n°14-15, Cahiers de l'Imaginaire, 1997, page 165.
- ↑ Publié aux éditions du Seuil en 1973
- ↑ The Utopian, 14 mai 2008
- ↑ Voir affiche Alternative libertaire (Belgique), en ligne.