Mursili Ièr
Mursili Ièr (mòrt vèrs 1590 avC) es un rèi itita que reinèt vèrs 1600-1590 avC. Succediguèt a Hattushili Ièr (vèrs 1630-1600 avC) e foguèt remplaçat per Hantili (vèrs 1590-1560 avC). Son rèine marquèt l'apogèu de la poissança militara deis Ititas amb d'incursions victoriosas vèrs lo sud que permetèron de prendre e de pilhar Alèp (vèrs 1600 avC) e Babilònia (vèrs 1595 avC). Pasmens, mau capitèt de se mantenir dins aquelei vilas car deguèt s'entornar dins son reiaume per reprimir de revòutas. I foguèt assassinat, probablament a l'iniciativa de son successor.