Niva

Niva (Nive en francés e Errobi en basco) qu'ei un arriu d'Occitània, en Gasconha, e deu Bascoat, en Baisha Navarra e en Labord.

L'Enciclopèdia o Diccionari rasonat de las sciéncias, de las arts e deus mestièrs de Diderot e d'Alembert que'n balha la definicion seguenta:

Niva - arriu deu reiaume de Navarra, aperat Errobi dens la lenga deu país. Que descend de las montanhas de la Baisha Navarra, que's jonh dab Ador dens las fossas de Baiona, e que's geta dens la mar dens un lòc d'aquera vila.

Qu'ei tanben l'arriu celèbre de vacanças deu Petit Nicolas, de Sempé e Goscinny.

Geografia

Niva qu'ei constituida a Sent Joan Pè de Pòrt dens la província tradicionau de Baisha Navarra, de l'union deus torrents baish-navarreses:

Berehobia (cors principau),
Lauribar,
Arnegi.

Las gòrgas d'Atekagaitz au sud d'Itsasu que marcan son passatge dens la província de Labord. La vila de Baiona que s'ei desvolopada suber un turon que tresplomba la confluéncia dab Ador.

Niva qu'ei apreciada per la pesca esportiva deus salmonids e per la practica deus esports d'aiga viva (rafting en particular).

Afluents principaus

Ezterrengibel
Aldude, de Sent Estève de Baigòrri
Laka, d'Ossés
Baztan, de Bidarrai
Latsa, d'Espeleta en Labord

Idrologia

Lo bacin de Niva que presenta ua pluviositat fòrça importanta: la pluviometria annau mejana qu'ei de 1680 mm. Lo regim de Niva qu'ei pluviau e deugut a aqueras precipitacions abondantas, dab ua influéncia de la fusion nivau hèra limitada. Que presenta de cregudas d'ivèrn (octobre a heurèr) e de fin de prima o de començament d'estiu.

Vilas traversadas