Paul Samuelson
Paul Anthony Samuelson
| |
---|---|
![]() | |
Naissença | 15 de mai de 1915 Gary, Indiana |
Decès | 15 de decembre de 2009 Belmont, Massachusetts |
País d'origina | |
Nacionalitat | |
Profession | economista |
Ocupacion | |
Luòc de trabalh | |
Distincions | Prèmi Nobel d'Economia l'an 1970 |
Paul Anthony Samuelson (15 de mai de 1915 en Gary, Indiana – 13 de decembre de 2009 a Belmont, Massachusetts) foguèt un economista american qu'a recebut lo Prèmi Nobel d'Economia en 1970.
Foguèt professor al Massachusetts Institute of Technology e membre de l'Econometric Society, de l'American Economic Association e de la International Economic Association. Son òbra pus importanta es Foundations of Economic Analysis (1947), qu'es considerada coma una de las òbras mai fondamentalas de la sciéncia economica modèrna e que desvolopèt en tèrmes matematics. Es autor tanben d'un manual d'economia plan conegut, Economics: An Introductory Analysis (1948). Son trabalh es estat qualificat coma la «granda sintèsi neoclassica» de John Maynard Keynes e de sos davancièrs.
Estudièt a mai lo domeni de la teoria dels jòcs e la programacion lineara (Linear Programming and Economic Analysis, 1958, amb Dorfman e Robert Solow), l'economia del benèsser e l'analisi de la dinamica economica. Es estat un dels desvolopaires de las corbas d'indiferéncia, qu'an permés l'estudi de l'utilitat marginala.
S'es trachat tanben dels problèmas de l'economia reala. Foguèt conselhièr dels presidents John Fitzgerald Kennedy e Lyndon Baynes Johnson. En 1970 recebèt lo Prèmi Nobel d'Economia per l'analisi dels procèsses economics e lo desvolopament dinamic de modèls de decision economica.
Moriguèt lo 13 de decembre de 2009 dins lo sieu ostal de Belmont, estat de Massachusetts (Estats Units), a l'edat de 94 ans, a causa d'un brèu malautiá, tala e coma soslinhèt la Institut Tecnologic de Massachusetts (MIT).[1]
Referéncias
[modificar | Modificar lo còdi]- ↑ Mor el Nobel d'Economia Paul Samuelson, ElDebat.cat, 14 de desembre 2009 (consulta: 14-12-09).
Ligams extèrnes
[modificar | Modificar lo còdi]