Pithovirus
Lo Pithovirus (nom fargat a partir del grèc ancian πίθος (mena de gèrla ampla) e de virus) es un genre de virus gigant. Aqueste virus amb ADN de doble eliç es conegut actualament sonque per una espècia, lo Pithovirus sibericum, qu'infècta las amèbas. Se divulguèt son existéncia pel primièr còp en març de 2014 aprèp qu'un especimen viable foguèsse trobat a l'interior d'un bastonet de glaç vièlh de 30.000 ans qu'èra estat reculhit dins lo permafròst de Sibèria. Es la tresena familha de viruses gigants descobèrta aprèp la del Mimivirus en 2003 e la del Pandoravirus en 2013.