Simon IV de Montfòrt

Simon IV de Montfòrt

Nom	(fr) Simon IV de Montfort
Biografia
Naissença	1165 (Gregorian) valor desconeguda
Mòrt	25 de junh de 1218  (52/53 ans) Tolosa
Foncions Lord Majordom Major (ca)
Donadas personalas
Nacionalitat	Francesa
Religion	Catolicisme
Activitat
Profession	cap militar (ca)
Autres
Conjunt	Aliç de Montmorencí (1190 (Gregorian)–)
Descendéncia	Amalric VI de Montfòrt, Amícia de Montfòrt, Simon V de Montfòrt, Gui de Montfòrt, Comte de Bigòrra, Laura de Montfòrt
Maire	Amícia de Beaumont (ca)
Paire	Simó III de Montfort (ca)
Fraires	Gui de Montfòrt e Peronella de Montfort (ca)

Simon de Montfòrt dins una illustracion de 1835

Simon de Montfòrt (entre 1164 e 1175 - Tolosa, 25 de junh de 1218), VI^en comte de Leicester, IV^en de Montfòrt, èra un nòble e cavalièr francés. Foguèt lo cap de la Crosada dels Albigeses, que portèt a l'ocupacion per la noblesa francesa d'una part bèla d'Occitània. Foguèt lo protagonista principal e menaire d'aquela guèrra caracterizada per una granda cruseltat.

Aqueste cap de l'armada francesa s'apoderèt aprèp divèrsas batalhas dels vescomtats de Carcassona, de Besièrs, d'Albi e del Comtat de Tolosa. Moriguèt durant lo Sètge de Tolosa en 1218.

Biografia

Sagèl de Simon IV de Montfòrt

Simon de Montfòrt sortiguèt d'una familha de barons d'Isla de França. Son paire èra Simon III de Montfòrt e sa maire, Amicie de Beaumont, una eiretièra de la mitat del comtat de Leicester e a l'encòp d'un drech al títol de senescalc d'Anglatèrra. En 1190 se maridèt amb Aliç de Montmorencí, la filha de Bochard III de Montmorencí.

La crosada en tèrra santa

Aquesta seccion es voida, pas pro detalhada o incompleta. Vòstra ajuda es benvenguda !

La batalha de Murèth

Aquesta seccion es voida, pas pro detalhada o incompleta. Vòstra ajuda es benvenguda !

La primièra desfacha de Monfòrt

Del temps qu'èra tornat en França per far omenatge al rei pels territòris capturats, la vila de Bèucaire èra a èsser recuperada per las tropas de Ramon VII, aclamadas per la populacion de l'endrech. Simon de Montfort se dirigiguèt doncas cap a Bèucaire e comencèt lo sèti de Bèucaire. Lancèt divèrsas ofensivas contra l'armada occitana mas fracassèt e capitèt pas a véncer l'armada de Ramon e mens encara a s'apoderar de la vila. Fin finala deguèt abandonar lo sèti e capitular a las condicions del comte de Tolosa pr'amor de poder recuperar sos soldats qu'avián patit un assetjament massís e constant dins lo castèl de Bèucaire.

La fin de Montfòrt

La mòrt de Simon de Montfort, gravadura d'Alphonse Marie de Neuville (1883)

Placa contemporanèa a Tolosa marcant lo luòc de la mòrt de Simon IV de Montfòrt durant lo sètge de la vila.

Lo 13 de setembre 1217, coma o aviá fach Bèucaire, Tolosa dobriguèt las pòrtas a son sobeiran legitim. Lo comte Ramon recebèt puèi un supòrt del comte de Fois, dels catalans e mai d'aragoneses. Simon assetgèt alara la vila mondina lo 8 d'octobre. Aprèp un brave temps de batalha, lo 25 de junh, del temps d'una sortida dels assetjats, moriguèt tuat per una pèira que segon cèrts cronicaires seriá estada lançada per una femna.

Lo còs del crosat foguèt transportat a la basilica de Sant Nazari de Carcassona ont demorèt fins a 1224. Amaury VI lo faguèt repatriar en França e foguèt sebelit dins le priorat reial de Haute-Bruyère de l'Òrdre de Fontevrault, prèp de Montfort-l'Amaury.

La figura de Montfòrt dins l'istòria

Celebrat fòrça temps dins las ideologias catolica e nacionalista francesa per son ròtle de defensor del catolicisme e combatent del catarisme foguèt a partir del sègle XX que la figura de Montfòrt comencèt a èsser vista d'un biais mens parcial. Demòra una figura istorica coneguda e pas gaire apreciada en Lengadòc.

Ligams extèrnes

• L'avoacion de Simon de Montfòrt al rei de França sus Quercy.net
• Langlois, Gauthier, "Les sceaux de Simon de Montfort : un itinéraire politique", Médiévales 2009 Baziège. Actes du colloque d’historiens du 14 novembre 2009 organisé par l’Association de recherches baziégeoise racines et environnement, Baziège : ARBRE, 2010, p. 129-143.

Precedit de Simon III	Sénher de Montfòrt	Seguit per Amaury VI
Raimon Rogièr Trencavel	Vescomte de Besièrs e de Carcassona	'
Raimon VI	Comte de Tolosa	Raimon VI