Sinonime (taxinomia)

Vampyroteuthis infernalis (Chun, 1903) admete foaça sinonimes : Cirroteuthis macrope (Berry, 1911), Vampyroteuthis macrope (Berry, 1911), Melanoteuthis lucens (Joubin, 1912), Watasella nigra (Sasaki, 1920), Danateuthis schmidti (Joubin, 1929), Hansenoteuthis lucens (Joubin, 1929), Melanoteuthis schmidt (Joubin, 1929), Melanoteuthis beebei (Robson, 1929), Retroteuthis pacifica (Joubin, 1929), Melanoteuthis anderseni (Joubin, 1931).

Dins la nomenclatura scientifica dau monde viu, lei sinonimes (var. sinonims) son de noms scientifics diferents per designar un meme taxon. Son la consequéncia dei remanejaments, de còups foaça nombrós, que poartan lei scientifics a la classificacion scientifica deis espècias (genres fusionats, sota-espècias promogudas au reng d'espècia, doblons, errors, etc.). Leis autoritats, datas e elements de tipografia son indispensables de prendre en còmpte per evitar lei confusions e seis interpretacions varián segon lei còdis de nomenclatura.

Lo nom scientific que validan darrier es pas foçadament aqueu que publiquèron lo mai recentament. Per exemple, Hyperolius viridiflavus admete foaça sinonimes, entre qué lei darriers son posteriors a 1970, mentre que lo nom valide actualament es Hyperolius viridiflavus (Duméril e Bibron, 1841).