Sosmarin d'ataca
Un sosmarin d'ataca (ò sosmarin multiròtles dins la marina russa) es un sosmarin militar especializat dins l'ataca e la destruccion d'autrei sosmarins e de naviris de superficia militars ò marchands. Per aquò, es armat de torpilhas e de missils antinaviris. Sei missions principalas son donc la destruccion de naviris enemics ò la proteccion de vaissèus aliats. Inspirat per lei sosmarins dei dos conflictes mondiaus, aqueu tipe de sosmarin faguèt son aparicion après la Segonda Guèrra Mondiala e forma una partida importanta dei principalei flòtas militaras actualas. Certanei son equipats d'una propulsion nucleara.