Teodòr II (papa)
Teodòr II (vèrs 840, Roma - 20 de decembre de 897) foguèt lo 115en papa de la Glèisa Catolica Romana dins lo corrent dau mes de decembre de 897. Succediguèt a Roman (aost-novembre de 897) e foguèt remplaçat per Joan IX (898-900).
Fòrça brèu car foguèt elegit au començament de decembre de 897 e assassinat quauquei jorns après son intronizacion, son pontificat se debanèt durant un periòde agitat liat ai luchas per lo títol imperiau entre l'Ostau de Spoleto e Arnulf de Caríntia. Son accion principala foguèt de reabilitar lo papa Formòsi (891-896) condamnat en 896 a l'eissida dau concili cadaveric per lei partisans dei Spoleto. Aquò permetèt d'arrestar lei revòutas recurrentas de la populacion de Roma dempuei aquela condamnacion.