Louis Pasteur
| Louis Pasteur | |
|---|---|
,_microbiologist_and_chemist_Wellcome_V0026980.jpg) | |
| Ammatti: | mikrobiologi, kemisti, yliopisto-opettaja, biokemisti, maataloustieteilijä, luonnontieteilijä, biologi, litografi, taiteilija, kasvitieteilijä |
| Rodivui: | 27. talvikuudu 1822[1][2][3][4][5][6][7][8][9][10][11][12][13][14][15][16][17][18][19] |
| Roindukohtu: | |
| kanzalližus: | |
| Kuoli: | 28. syvyskuudu 1895[1][3][4][5][6][7][8][9][10][12][13][14][16][17][18][19] (72 года) |
| Kuolendukohtu: | |
| Tuatto: | Jean-Joseph Pasteur[d][7] |
| Ukko / akku: | Marie Pasteur[d][7] |
| Lapset: | Marie-Louise Pasteur[d][7] и Jean-Baptiste Pasteur[d] |
| Nimikirjutus: |
 |
.svg){kind=small}
Louis Pasteur (27. talvikuudu 1822 – 28. syvyskuudu 1895) oli frantsielaine mikrobiolougu da hiimiekku. Pasteur mikrobiolougien puoles sellitti muijotuksen kävyndiä da ristikanzan monien taudiloin pohjua, mindäh sendäh rodih erähänny mikrobiolougien da immunolougien alguhpanijois. Hänen tutkimusruavot kristalloin rakendehes da pol’arizatsien ilmivös ollah stereohiimien pohjannu. Pasteur pani loppuh monii vuozisadoi kestänyön kiistan erähien eloformien ičerodivundas, koittehien vuoh sen sellittäjen. Hänen nimi on kuulužu ei vaiku tiedomiehien keskes hänen keksityn da jällespäi hänen nimen suannuon pasterizatsien tehnolougien hyvyös.
Eloskerdu
[kohenda | kohenda tekstu]Pasteur oli roinnuhes Frantsies Juras vuvvennu 1822. Hänen tuattah oli nahkua ruadai da Napoleonan voinien veteruanu. Pasteur opastui Arbuan kolledžas, kus oli nuorimannu opastujis. Opastujes häi kiinnostui lugemizeh da rodih opastajan abuniekakse. Sit häi sai nuoriman opastajan virran Besansonas da yhtel aigua jatkoi opastundua. Sigäläzet opastajat kehitettih händy Korgevimah normualuškolah Pariižah. Häi piäzi opastumah sih vuvvennu 1843 da loppi sen vuvvennu 1847.
Pasteur oli nerokkahannu taidoilijannu, hänen nimi oli XIX vuozisuan portriettutaidoilijoin luvettelos. Hänen 15-vuodizennu mualatut kuvat nygöi ollah ruokos Pasteuran instituutas Pariižas. Pasteur ei jatkanuh piirustandua, sendäh ku kiinnostui hiimieh.
Kodvazen aigua häi oli fiiziekan professorannu Dijonan yliopistos, sit rodih hiimien professorakse Strasburgan yliopistos. Sie vuvvennu 1849 häi tuttavui yliopiston rektoran tyttärenke – Mari Lorananke. Sinä vuon hyö mendih yhteh da heile rodih viizi lastu. Vaiku kaksi lastu eli täydeh igäh, kolme kuoli lavantaudih. Omat gor’at pandih Pasteurua tutkimah da eččimäh rohtuo tartujih taudiloih, lavataudihgi. Vuvvennu 1854 Pasteur pandih uvven luonnontiedoloin tiedokunnan piälikökse Lilles. Vuvvennu 1856 häi muutti Pariižah, kus rubei Korgeviman normualuškolan opastusalan johtajakse da ottavui opastuksen uvvistandah. Tutkindoloin sistiemu tämän myödäh rodih äijiä vagavembi, se avvutti hyvien tuloksien suandas, tiedoloin lujittamizes da ližäi opastuslaitoksele arvožuttu.
Tutkijan mustokse
[kohenda | kohenda tekstu]Pasteuran nimi on annettu enämbi migu 2000 uuličale muailmas. Ven’al Pasteuran nimi on Epidemiolougien da mikrobiolougien tiedo- da tutkimusinstituutal Piiteris. Se on perustettu vuvvennu 1923.
Vuvvennu 1961 Kanzoinväline tiähtientiijustelijoin liitto andoi Louis Pasteuran nimen kruatterale Kuudaman vastupuoles.
Mieldykiinnittäjiä tieduo
[kohenda | kohenda tekstu]Pasteur tutki biolougiedu da parandi rahvastu, ga häi ei suannuh nigo liečetiijon, nigo biolougien opastustu.
Vuvvenu 1868 (45 vuvven ijäs) Pasteural oli verenvalundu aivoloih. Häi rodih niistiekse, ei voinnuh ruadua hurual käil da huruadu jalgua ribaitti muadu vaste. Häi vähäl ei kuolluh, ga jäi hengih da parani. Tämän jälgeh häi luadi suurimat ruavot: luadi rokotusainehen siberin märgäh da rokotuksen uravuoh. Konzu tutkii kuoli, tiijustettih, ku suurin vuitti hänen aivolois oli rikottu.
Pasteur oli palkittu läs kaikkien mualoin kunnivomerkilöil. Kaikkiedah häi sai läs 200 eri palkinduo.
- ↑ 1,0 1,1 RKDartists Проверено 23 августа 2017.
- ↑ Louis Pasteur — ministère de la Culture.
- ↑ 3,0 3,1 SNAC Проверено 9 октября 2017.
- ↑ 4,0 4,1 Nationalencyklopedin Проверено 9 октября 2017.
- ↑ 5,0 5,1 Find a Grave Проверено 9 октября 2017.
- ↑ 6,0 6,1 Who Named It? Проверено 9 октября 2017.
- ↑ 7,0 7,1 7,2 7,3 7,4 7,5 7,6 7,7 https://www.biography.com/people/louis-pasteur-9434402 Проверено 26 августа 2018.
- ↑ 8,0 8,1 https://www.dwc.knaw.nl/biografie/pmknaw/ Проверено 9 октября 2017.
- ↑ 9,0 9,1 Энциклопедия Брокгауз Проверено 9 октября 2017.
- ↑ 10,0 10,1 Bibliothèque nationale de France идентификатор BNF
- ↑ Artists of the World Online, Allgemeines Künstlerlexikon Online, AKL Online — B: K. G. Saur Verlag, Verlag Walter de Gruyter, 2009.
- ↑ 12,0 12,1 Gran Enciclopèdia Catalana — Grup Enciclopèdia.
- ↑ 13,0 13,1 GeneaStar
- ↑ 14,0 14,1 Roglo
- ↑ Brozović D., Ladan T. [[::d:Q1789619|Hrvatska enciklopedija]] — Leksikografski zavod Miroslav Krleža, 1999.
- ↑ 16,0 16,1 Архив изобразительного искусства Проверено 1 апреля 2021.
- ↑ 17,0 17,1 Académie nationale de médecine Проверено 9 октября 2017.
- ↑ 18,0 18,1 Louis Pasteur
- ↑ 19,0 19,1 https://www.biusante.parisdescartes.fr/histoire/biographies/ — bibliothèque interuniversitaire de santé.
- ↑ [[::d:Q17378135|Пастер Луи]] — Москва: Большая российская энциклопедия, 1969. Проверено 28 сентября 2015.
- ↑ Annonce de la mort de Louis Pasteur à l'Académie des sciences — 1895. Проверено 19 июня 2017.