ଗୀତା ମେହେଟ୍ଟା
ଗୀତା ମେହେଟ୍ଟା | |
|---|---|
| ଜନ୍ମ ଓ ଜନ୍ମସ୍ଥାନ | ୧୯୪୩ ଦିଲ୍ଲୀ, ଭାରତ |
| ମୃତ୍ୟୁ | ୧୬ ସେପ୍ଟେମ୍ବର ୨୦୨୩ ଦିଲ୍ଲୀ, ଭାରତ |
| ବୃତ୍ତି | ଲେଖିକା/ପ୍ରମାଣସିଦ୍ଧ ଚଳଚ୍ଚିତ୍ରର ନିର୍ମାତା/ସାମ୍ବାଦିକ |
| ଜାତୀୟତା | ଭାରତୀୟ |
| ଶିକ୍ଷାନୁଷ୍ଠାନ | କେମ୍ବ୍ରିଜ୍ ବିଶ୍ୱବିଦ୍ୟାଳୟ, ଇଂଲଣ୍ଡ |
| ସାହିତ୍ୟ କୃତି | କରମା କୋଲା (୧୯୭୯) ଏ ରିଭର୍ ସୁତ୍ର (୧୯୯୩) |
ଗୀତା ମେହେଟ୍ଟା (୧୯୪୩ - ୧୬ ସେପ୍ଟେମ୍ବର ୨୦୨୩) ଜଣେ ଭାରତୀୟ ଲେଖିକା, ପ୍ରାମାଣିକ ଚଳଚ୍ଚିତ୍ର ନିର୍ମାତ୍ରୀ ଓ ସାମ୍ବାଦିକା ଥିଲେ । ସେ ସ୍ୱାଧୀନତା ସଂଗ୍ରାମୀ ଏବଂ ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କ ଝିଅ । ତାଙ୍କ ସାନ ଭାଇ ନବୀନ ପଟ୍ଟନାୟକ ୨୦୦୦ ମସିହାରୁ ଓଡ଼ିଶାର ମୁଖ୍ୟମନ୍ତ୍ରୀ ଦାୟିତ୍ୱ ନିର୍ବାହ କରୁଛନ୍ତି । ସେ ଦିଲ୍ଲୀରେ ଜନ୍ମଗ୍ରହଣ କରିଥିଲେ ଓ ଭାରତ ଏବଂ ଇଂଲଣ୍ଡର କେମ୍ବ୍ରିଜ୍ ବିଶ୍ୱବିଦ୍ୟାଳୟରୁ, [୧] ନିଜର ଶିକ୍ଷା ଗ୍ରହଣ କରିଥିଲେ । ୨୦୧୯ମସିହାରେ ତାଙ୍କୁ ପଦ୍ମଶ୍ରୀ ପୁରସ୍କାର ପାଇଁ ବଛାଯାଇଥିଲା କିନ୍ତୁ ଏହି ପୁରସ୍କାର ଆଗତ ନିର୍ବାଚନକୁ ପ୍ରଭାବିତ କରିପାରେ ଭାବି, ସେ ଏହାକୁ ପ୍ରତ୍ୟାଖାନ କରିଥିଲେ ।[୨]
ଗୀତା ଇଂଲଣ୍ଡ, ୟୁରୋପ ଏବଂ ଆମେରିକା ପାଇଁ ୧୪ଟି ଦୂରଦର୍ଶନ ପ୍ରାମାଣିକ ଚଳଚ୍ଚିତ୍ରର ନିର୍ମାଣ କରିଥିଲେ । ୧୯୭୦-୧୯୭୧ ମସିହା ମଧ୍ୟରେ ସେ ଆମେରିକା ଦୂରଦର୍ଶନ ଏନ ବି ସି ପାଇଁ ଯୁଦ୍ଧସମ୍ବାଦଦାତା ଭାବରେ କାର୍ଯ୍ୟ କରିଥିଲେ । ତାଙ୍କର ଚଳଚ୍ଚିତ୍ର 'କମ୍ପାଇଲେସନ ଅଫ ଦି ବାଙ୍ଗଲାଦେଶ ରିଭୋଲୁସନ, ଡେଡଲାଇନ ବାଙ୍ଗଲାଦେଶ, ଉଭୟ ଭାରତ ଏବଂ ବିଦେଶର ପ୍ରେକ୍ଷାଳୟରେ ପ୍ରଦର୍ଶିତ ହୋଇଥିଲା ।
ଆଲଫ୍ରେଡ ଏ. ନଫ ପ୍ରକାଶନା ସଂସ୍ଥାର ମୁଖ୍ୟ ସୋନି ମେହେଟ୍ଟାଙ୍କ ପତ୍ନୀ ହୋଇଥିଲେ ମଧ୍ୟ, ଗୀତା ନିଜ ସତ୍ତ୍ୱ ବଳରେ ଜଣେ ଲେଖିକା ଭାବେ ପ୍ରତିଷ୍ଠିତ ହୋଇଥିଲେ । ତାଙ୍କର ବହି ୨୧ଟି ଭାଷାକୁ ଅନୁବାଦିତ ହୋଇଛି ଏବଂ ୟୁରୋପ, ଆମେରିକା ଓ ଭାରତରେ ଉତ୍ତମ ବିକ୍ରେତା ତାଲିକାରେ ରହିଆସିଛି । ତାଙ୍କର ଲେଖାର ବିଷୟବସ୍ତୁ ମୁଖ୍ୟତଃ ଭାରତ : ଏହାର ସଂସ୍କୃତି ଓ ଇତିହାସ, ଏବଂ ଏହାର ପାଶ୍ଚାତ୍ୟ ଉପଲବଧି ଉପରେ ଆଧାରିତ ଥିଲା । ତାଙ୍କର ଲେଖା ସାମ୍ବାଦିକତା ଓ ରାଜନୀତି ପୃଷ୍ଠଭୂମିର ଅନ୍ତଦୃଷ୍ଟି ପ୍ରତିଫଳନ କରୁଥିଲା ।
ଗୀତା ମେହେଟ୍ଟା ନ୍ୟୁୟର୍କ, ଲଣ୍ଡନ ଏବଂ ନୂଆ ଦିଲ୍ଲୀରେ ରହୁଥିଲେ ।
ପୁସ୍ତକ
[ସମ୍ପାଦନା]- କରମା କୋଲା. ସାଇମନ୍ ଏଣ୍ଡ ସ୍ଚୁସ୍ତର ଏଣ୍ଡ। ୧୯୭୯ ।[୩]
- ରାଜ୍ (୧୯୮୯)
- ଏ ରିଭର୍ ସୁତ୍ର (୧୯୯୩)
- ସ୍ନେକସ୍ ଏଣ୍ଡ ଲାଡରସ୍ : ଗ୍ଲିମ୍ପସେସ୍ ଅଫ୍ ମଡର୍ଣ୍ଣ ଇଣ୍ଡିଆ, ଲଣ୍ଡନ୍, ସେକର୍ ଏଣ୍ଡ୍ ୱାରବର୍ଗ,୧୯୯୭ । ISBN 0-436-20417-7[୪]
- ଏଟରନାଲ୍ ଗଣେଶ
ବାହ୍ୟ ଆଧାର
[ସମ୍ପାଦନା]- Research on Gita Mehta at the Wayback Machine (archived ଅକ୍ଟୋବର ୨୭, ୨୦୦୯) Bio-bibliographical Information
- "Bold Type Interview: Gita Mehta". Random House.
ମୃତ୍ୟୁ
[ସମ୍ପାଦନା]ବାର୍ଦ୍ଧକ୍ୟ ଜନିତ ଅସୁସ୍ଥତା କାରଣରୁ ୨୦୨୩ ମସିହା ସେପ୍ଟେମ୍ବର ୧୬ ତାରିଖରେ ଦିଲ୍ଲୀଠାରେ ଗୀତାଙ୍କର ପରଲୋକ ଘଟିଥିଲା ।[୫]
ଆଧାର
[ସମ୍ପାଦନା]- ↑ "Upfront daughter of the revolution: Gita Mehta". Vogue. April 1997. pp. 114, 120, 124.
- ↑ "Gita Mehta refuses Padma Shri award as poll looms". www.indiatoday.in. Retrieved 28 January 2019.
- ↑ Mehta, Gita (1979). Karma Kola, Marketing the Mystic East. New York: Simon and Schuster. p. 201. ISBN 0-671-25083-3.
- ↑ Smith, Wendy, 'Gita Mehta: Making India Accessible'
- ↑ "Author Gita Mehta, Naveen Patnaik's Sister, Dies At 80". www.ndtv.com. ndtv. Archived from the original on 17 September 2023. Retrieved 17 September 2023.