Chatbot
| Supkategoria di | software agent  |
|---|---|
| Has use | conversation |
| Karakterisá pa | artificial personality |
| Lista di tema | list of chatbots |
Un chatbot of chatterbot of simplemente bot ta un interlokutor outomatisá.[1] E ta e kombinashon di e palabranan 'chat' i 'robot'. Chatbotnan por wòrdu hañá riba wèpsait i den programanan di Instant Messenger, manera Facebook Messenger, Skype (e promé Windows Live Messenger, e susesor di MSN Messenger), Yahoo, AIM, Google Talk, Telegram, WhatsApp, Discord i Slack. Den kaso di programa di Instant Messenger, e chatbot por wòrdu agregá komo un amigu.
Historia
Un di e promé ehèmpelnan ta ELIZA (1964), un programa komputerisá ku por hiba un kòmbersashon simple ku hende. Despues a desaroyá un seri di chatbotnan, entre otro Parry (1972)[2], Racter (1984) i ALICE (1995).
Na kuminsamentu di 2016, e kantidat di chatbot riba plataforma di medionan sosial a oumentá enormemente, i miles di chatbot a wòrdu usa den áreanan manera marketing, sistema di sosten, kuido di salú, entretenimentu, enseñansa, patrimonio kultural, plataforma di mensahenan, aplikashonnan industrial i investigativo.[2]
Na fin di aña 2022 OpenAI a lansa su chatbot ChatGPT, basá riba e modelo GPT-3 di e kompania. ChatGPT ta un di e chatbotnan mas avansá ku ta disponibel aktualmente i ta konsiderá komo un punto importante den e desaroyo di "conversational AI". E modelo ta entrená pa un volumen grandi di kombersashonnan humano i p'esei por komuniká ku e usuario den un forma natural i humano. ChatGPT ta ser usá hopi pa servisio di kliente i por kontestá preguntanan riba un variedat di tópiko. E ChatGPT ofisial hopi biaha no tabata disponibel pa motibu di e karga altu, loke a popularisa e appnan di chat ku ta usa e API ofisial di OpenAI.
Referensia
|