Wèst
Wèst ta un di e puntonan kardinal riba un kompas, huntu ku ost, nort i sùit. Wèst ta kontrario na ost i ta normalmente na man robes riba mayoria di e mapanan. Ehèmpel: (Aruba ta situá wèst di Kòrsou, ku riba su mes ta situá wèst di e isla di Boneiru). Solo i luna tambe ta baha den wèst.
Uso di e palabra
E palabra wèst a wòrdu usá pa designá en general e mundu oksidental, ku ta inkluí e paisnan di Union Oropeo, Amérika i Reino Uni, Israel, Australia, Nueva Zelandia i Sur Afrika (en parti). E konsepto di e mundu oksidental tin su raisnan den e Imperio romano oksidental i kristianismo oksidental. Durante e Guera Friu “wèst” hopi biaha tabata wòrdu usá pa referí na e kampo di OTAN verso e Pakto di Warsaw i nashonnan no-alineá. E ta karakterisá pa un ekonomia di merkado i sistemanan polítiko pluralista, kontrario na paisnan oriental. For di añanan 1990 e término aki a kai den desuso, pasobra e no ta adekuá pa e realidat geopolítiko nobo.
Durante tempu kolonial den Reino Hulandes, e término De West tabata deskribí kolonia Kòrsou en kombinashon ku Sürnam. Merka tin su propio ekspreshon di wèst, esta e Wild West.
| Fuente, nota i/òf referensia |