Amigoe
- E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.
| Fecha di fundashon òf kreashon | 1883  |
|---|---|
| Pais | Aruba, Kòrsou |
| Miembro di | Inter American Press Association |
| Sede | Antias Hulandes |
| Pais di orígen | Hulanda |
| Idioma di obra/nomber | Hulandes |
| Newspaper format | broadsheet |
| Wèpsait ofisial | http://www.amigoe.com/ |
Amigoe ta un korant vespertino di Kòrsou na idioma hulandes. E ta wòrdu distribuí tantu na Kòrsou, Aruba, Boneiru i Hulanda. E korant ta esun mas bieu den eksistensia na Kòrsou.[1]
Historia
[editá | editá fuente]E korant, inisialmente ku e nòmber Amigoe di Curaçao, a ser fundá na desèmber 1883 dor di kleronan di e Orden di Dominikano. El a inisia komo revista semanal katóliko pa e islanan di Kolonia Kòrsou. E promé edishon a sali publiká dia 5 di yanüari 1884 bou enkargo di redaktor pater Jordanus Onderwater.[2][3] E sirkulashon na Aruba ta kuminsa na 1884.[4] Inisialmente e korant tabata sali semanalmente na idiomanan hulandes i papiamentu.[5] Komo e kombinashon di idioma tabata un problema a lanta La Cruz komo korant na papiamentu. Na 1935 a kuminsa publiká dos bes pa siman, esta riba djarason i djasabra.[6] Entrante 1 di mart 1941 Amigoe a bira un diario ku publikashon tur dia eksepto djadumingu.[7] Dia 8 di yanüari 1985 a funda un version riba Internet di e korant.[8]
Fin di añanan setenta di siglo 20 e korant a keda transferi na aksionistanan priva, entre nan e kompania CITCO.[1] Seguidamente e ta wòrdu atkerí pa Jackie Voges, kende a dirigí esaki pa basta aña.[9] Aktualmente Michael Voges ta direktor. Norman Serphos tabata hefe di redakshon di mei 2019 te 1 di yanüari 2024.[10]
Amigoe ta establesé na Kaya Fraternan di Skèrpènè z/n, Scherpenheuvel.
Eks-redaktor i reporteronan
[editá | editá fuente]- Aart Broek (literatura)
- Peter Dicker (hefe di redakshon)
- Ambrosius Euwens (di dies hefe di redakshon di 1919-1926)
- Henry Habibe (literatura)
- Johan Hartog (di diestres hefe di redakshon di 1940 pa 1946)
- Carel de Haseth (Ñapa)
- P.M.H. Hulsman (hefe di redakshon)
- Gustaaf de Jongh (deporte)
- René van Nie (kolumnista)
- Jordanus Onderwater (promé hefe di redakshon)
- Ronny Rens (hefe di redakshon)
- Jos de Roo (redaktor pagina di buki)
- Wim Rutgers (literatura)
- Petrus Verriet (hefe di redakshon di 1926 pa 1931)
- R.J.C. Wahlen (di ocho hefe di redakshon di 1901 pa 1918)
Link eksterno
[editá | editá fuente]Fuente, nota i/òf referensia
|