Grisha Heyliger-Marten
Grisha S. Heyliger-Marten (☆ 28 di yüli 1976 na Sint Maarten) ta un polítiko di Sint Maarten i minister di Turismo, Asuntunan Ekonómiko, Transporte i Telekomunikashon desde 3 di mei 2024. E tabata miembro di Parlamento di Sint Maarten di 2020 te 2024[1] i a fungi komo presidente di Parlamento di Sint Maarten di 26 di novèmber 2021 te 27 di òktober 2022.[2][3]
Bida
[editá | editá fuente]Grisha Heyliger-Marten a sigui estudio den maneho di empresa na Florida Memorial University na Merka i Hogeschool van Arnhem & Nijmegen na Hulanda, opteniendo e grado di master.[1] Durante su karera profeshonal el a traha varios aña pa e kompanianan di telekomunikashon TelEM i Smitcoms i tambe a lanta su propio kompania di merkadeo.
Den elekshon parlamentario di 2020 Heyliger-Marten ta debutá komo kandidato number 4 riba lista di UP, partido ku su kasá e funda na 2010.[4] E ta konosí pa su postura krítiko pa ku gobièrnu hulandes i ta boga pa su pais atkerí (mas) independensia pa por determiná su propio rumbo.[5] Dia 10 di febrüari 2020 e ta huramentá komo miembro di Parlamento di Sint Maarten i ta keda apuntá komo líder di frakshon. Ku e retiro di Roland Brison komo presidente di parlamento na novèmber 2021 e ta wòrdu elegí komo su susesor. Dia 27 di òktober 2022 e ta wòrdu baha komo presidente mediante un moshon di deskonfiansa di Parlamento di Sint Maarten. Komo su frakshon no tabata sostene komo lider di frakshon i presidente di parlamento, Heyliger-Marten ta retirá di inmediato di partido UP i ta sigui komo parlamentario independiente.[3] Na yanüari 2023 e ta afiliá na Partido Demokrat di Sint Maarten[6] i ta miembro di su frakshon den parlamento desde 7 di februari 2024. Despues di elekshon 2024 el a keda nombrá minister di Turismo, Asuntunan Ekonómiko, Transporte i Telekomunikashon (TEATT) den e gabinete Mercelina I.
Heyliger-Marten ta kasá ku e eks-politiko Theo Heyliger.[2]
Fuente, nota i/òf referensia
|