Nilda Pinto
| Nilda Pinto | ||
|---|---|---|
| Imagen desea: Nilda Pinto | ||
| Informashon básiko | ||
| Nasementu | 12 desèmber 1918 | |
| Fayesimentu | 17 aprel 1954 | |
| Lenga materno | Hulandes | |
| Informashon profeshonal | ||
| Ofishi | eskritor, outor di buki di mucha | |
| dbnl-profil | ||
| [Editá Wikidata] · [Manual] | ||
Nilda Maria Geerdink-Jesurun Pinto (☆ 12 di desèmber 1918 na Otrobanda - † 17 di aprel 1954 na Hengelo) tabata un eskritor di buki pa mucha na papiamentu ku storia i kantikanan foi e tradishon oral antiano.
Biografia
[editá | editá fuente]Nilda a nase den Zaantjessteeg na Otrobanda. Den añanan 30 di siglo 20 Nilda a bai Hulanda pa studia pa yufrou di skol na Bergen op Zoom. Na 1939 e ta bolbe pa Kòrsou kaminda dia 13 di òktober di e aña ei e a kuminsa traha na St. Martinus College.
Despues di e di dos Guera Mundial e ta topa Jan Geerdink, un machinista di Marina Real na Kòrsou, i na desèmber 1948 nan ta kasa na Misa di Sta. Anna.
E ku Jan a haña tres yui: Henriette Monte-Geerdink (1950), Henk Geerdink (1951) i Michael Geerdink (1952). Dia 20 di mart 1953 nan a muda pa Hulanda, nan a bai biba na Hengelo, Overijssel. Einan Nilda a bin na fayesé dor di komplikashonan ku su embarazo.
Bibliografia
[editá | editá fuente]- Corsouw ta kanta (1944)
- Nos dushi papiamentu (1947)
- Bam canta (ku R. Th. Palm) (1948)
- Cuentanan di Nanzi (1952)
- Corsouw ta konta (1954)