Almagna

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

L'Almagna (Deutschland an lenga tedesca) a l'é 'n pais dl'Euròpa sentral, mèmber ëd l'Union Europenga.

A confin-a con Danimarca, Polònia, Repùblica Ceca, Àustria, Svìssera, Fransa, Lussemborgh, Belgi e Pais Bass.
La capital a l'é Berlin.
A l'ha na surfassa ëd 357.022,90 km² e a conta anviron 80,5 milion d'abitant (2013), ël 16,1% dla popolassion dl'Union Europenga.

Anté ch'as treuva

Stòria

L'Almagna a l'é riunificasse dël 1990: apress l'adossion dël tratà d'unificassion dij 31 d'ost e la signadura dël tratà 'd Mosca dij 12 dë stèmber, l'adesion dl'Almagna oriental a la repùblica federal a l'é vnùita ai 3 d'otóber 1990.

Evolussion demogràfica

La popolassion a l'era d'82,5 milion d'abitant ant ël 2004 e d'82 milion ant ël 2009.

Conomìa

La disocupassion a l'é al 7,5% (2010). Dël 2012 ël 2,92% dël prodot anterior ëspòrch a l'é stàit dedicà a l'arserca e al dësvlup.
Apopré ël 26% dl'eletricità alman-a a l'é fornìa da j'anstalassion nuclear.

Organisassion polìtica

L'Almagna (nòm ofissial: Bundesrepublik Deutschland) a l'é na repùblica federal.
Ël president a l'é Frank-Walter Steinmeier (dal 2017).
Ël Prim Ministr (Bundeskanzler) a l'é Olaf Scholz (SPD, dal 2021).

Aministrassion

La Gërmania a l'é formà da 16 Ëstat Federaj (Bundesländer), elencà sì-sota:

#	Land	Capital	Surfassa	Popolassion (2004)
1	Baden-Württemberg	Stocarda (Stuttgart)	35.751,65 km²	10.717.000
2	Baviera (Bayern)	Mùnich ëd Baviera (München)	70.549,19 km²	12.444.000
3	Berlin (Berlin)	Berlin (Berlin) ^*	891,75 km²	3.388.000
4	Brandeborgh (Brandenburg)	Potsdam	29.477,16 km²	2.568.000
5	Brema (Bremen)	Brema ^*	404,23 km²	663.000
6	Amborgh (Hamburg)	Amborgh ^*	755,16 km²	1.735.000
7	Assia (Hessen)	Wiesbaden	21.114,72 km²	6.098.000
8	Meclenborgh-Pomerania Ossidental (Mecklenburg-Vorpommern)	Schwerin	23.174,17 km²	1.720.000
9	Bassa Sassònia (Niedersachsen)	Hannover	47.618,24 km²	8.001.000
10	Nòrd Ren-Westfalia (Nordrhein-Westfalen)	Düsseldorf	34.083,52 km²	18.075.000
11	Renania-Palatinà (Rheinland-Pfalz)	Magonsa (Mainz)	19.847,39 km²	4.061.000
12	Saarland	Saarbrücken	2.568,65 km²	1.056.000
13	Sassònia (Sachsen)	Dresda (Dresden)	18.414,82 km²	4.296.000
14	Sassònia-Anhalt (Sachsen-Anhalt)	Magdeborgh (Magdeburg)	20.445,26 km²	2.494.000
15	Schleswig-Holstein	Kiel	15.763,18 km²	2.829.000
16	Turingia (Thüringen)	Erfurt	16.172,14 km²	2.355.000

* Le sità-stat ëd Berlin e d'Amborgh, da na mira giurìdica, a son sia un Land sia na sità e a son nen ulteriorment sudividùe an comun-e (Gemeinde). Ël Land ëd Brema a l'é formà da la sità ëd Brema e da la sità ëd Bremerhaven.

Ij Länder a son peui sudividù an distret (Kreise); a-i na son complessivament 438.

Moneda

Dal 1^m ëd gené 2002 la Gërmania a deuvra l'Euro.
Për savèjne ëd pi, vardé soa vos.

Anliure esterne

Wikimedia Commons a conten figure o àutri archivi su Gërmania