Wikipedia:Tastadura piemontèisa

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Ëd gent ch'a parla piemontèis spatarà për ël mond a-i në j'é 'n rabel e mes, e soèns i l'oma ël problema che ij piemontèis dël Piemont a son pì vantagià a scrive, con lòn che lor ij caràter acentà ant sla tastadura a j'han. Ma ëdcò ij resident piemontèis a l'han sempe ël problema dë scrive na Ë ò pura che a-i manco le vocaj acentà maiùscole. Sta tastadura-sì a dovrìa podej esse na prima solussion, almanch pèr coj ch'a deuvro 'd sistema operativ Microsoft.

Na bon-a alternativa a l'é la tastadura fransèisa-canadèisa, ch'a l'ha 'dcò chila tuti ij caràter dont un a l'ha damanca pr'ëscrive an piemontèis.

Për dëscariessla

Basta mach che i-i bate dzora al nòm dl'archivi dont av fa da manca për dëscarievlo, salvevlo ansima a vòstra màchina e peui i peule anandié l'installassion. L'archivi as treuva ant sna màchina dël portal an piemontèis i-iter che an fa la cortesìa dë buté lë spassi dë stocagi për st'archivi-sì a disposission dj'utent ëd lenga piemontèisa.

Version dl'archivi disponibij

Sernive vòstra version conforma a che tastadura che i l'eve e batì-ie un colp ëdzora col rat:

Për tastadura american-a
Për tastadura italian-a (cola che a l'ha già vàire acentà, ma sensa pa nì acentà maiùscole, nì la Ë. N'Italia për sòlit av vendo cola-lì).

Për anstaless-la

Dëspacheté l'archivi ansima a vòstra màchina (av fa dabzògn d'un programa che as ciama ZIP ò RAR, conforma a coma a finiss ël nòm dl'archivi). Se i seve nen bon feve giuté da cheidun, mej da na masnà, che lor a son sempe dij gabolon. A l'é n'operassion técnica che as fa mach na vira ant la vita, sagrineve nen se av son-a misteriosa.
Bati-ie dzora a l'archivi Piemont.msi col rat e la tastadura a s'anstala daspërchila.
Deurbe 'l panel ëd contròl e clicheje dzora a l'icòna Opzioni internazionali e della lingua (Opsion internassionaj e dla lenga) .
Gionté la lenga che i veule (pr'esempi 'l fransèis Fransèis dël Canadà, l'istessa ch'a dòvra ël coretor ortogràfich piemontèis për Word). Fè 'me ch'i veule, che a buté la lenga piemontèisa ant la lista dle lenghe 'd Windows i soma anco' nen bon
për tastadura sernive "piemontèis"
bòn, fàit, travajé pura.

Për dovrela

Sota a lë scherm a la drita (andoa a-i é la mostra) av ven fòra la sigla IT (ò n'àutra, se coma prima lenga i l'avìe pa l'italian), che as peul cangesse ant la neuva lenga ch'i l'eve butave për ël piemontèis. E quand che i veule as peul sempe d'ambelelì selessioné torna la lenga che i l'avìe prima. Bon travaj.

Condission ëd licensa a gràtis

Dela pura ën gir a chi che i veule, mach che a sia ciàir che la tastadura a la ven lìbera e a gratis, a le condission dla licensa GNU, sensa pa 'd garansìa. Chi ch'a la dòvra a lo fa a sò arzigh, gnun a-j da a gnun gnun-a assistensa e gnun a veul savejne s'a la fasèissa 'd darmagi. Quand che as pija dla ròba a gràtis le condission a son coste-sì.

Com a travaja

Për chi a monta cola antërnassional	Për chi a monta cola italian-a
Ij caràter (tùit con soa maiuscola) a son: a snista dl'UN (1) => ë alt-graf (ch'a resta ël tast alt ëd drita) + A => à alt-graf (ch'a resta ël tast alt ëd drita) + E => è alt-graf (ch'a resta ël tast alt ëd drita) + R => é alt-graf (ch'a resta ël tast alt ëd drita) + I => ì alt-graf (ch'a resta ël tast alt ëd drita) + O => ò alt-graf (ch'a resta ël tast alt ëd drita) + P => ó alt-graf (ch'a resta ël tast alt ëd drita) + U => ù alt-graf (ch'a resta ël tast alt ëd drita) + N => n- Ant sta manera-sì a a venta mach visesse che l'acent àuss a-j resta a la drita 'd soa vocal. Për ël rest, quand che i sgnache nen l'ALT-GRAF, vòstra tastadura a la travaja col setagi american stàndard.	Le majùscole acentà a son ën sle acentà cite sgnacand SHIFT, gavà È É che a son butà dzora ER sgnacand dcò CTRL-ALT-SHIFT Ë e ë as treuvo a la snista dl’1 Ij tast che a son sparì ç ° § ^ \| \ av seurto se i sgnache CTRL-ALT SHIFT

Compatibilità

Për piasì, quand i la monte dzora a n'àutr sistema operativ ò pura con n'àutra tastadura, marché ambelessì che i l'eve passà la preuva, che almanch la documentassion a la chërs. Costa a l'é la tradission con ij programa a gràtis. Tùit a dan na man a deje deuit, ëdcò con la documentassion e 'l colàud.

Archivi tastadura Piemont.rar

windows 2000 - a travaja con
- tastadura stàndard american-a
- tastadura russa e ucrain-a
windows XP - a travaja con
- tastadura stàndard american-a
- tastadura russa e ucrain-a

Archivi tastadura NossPiem.zip

windows 2000 - a travaja con
- tastadura italian-a

Gran-e e coma gavesse da 'nt le mideme

Se av dèissa ëd problema scrivì na riga ant le discussion dë sta pàgina-sì, e i vardëroma dë giuteve.