کھمبا

کھمبے

کھمبے

کھمبا (pole) اک تھملا یا پوسٹ اے جیہڑا عام طور تے دھات یا کنکریٹ دا بݨیا ہُندا اے، ایس توں علاوا لکڑی یا ہور میٹیریئل ناݪ وی بݨے ہُندے نیں۔ کھمبے اوور ہیڈ پاور لائناں تے وکھ وکھ ہور عوامی یوٹیلیٹیز، جداں الیکٹریکل کیبل، فائبر آپٹک کیبل تے متعلقہ سامان، مثلن ٹرانسفارمرز تے سٹریٹ لائٹس نو‏‏ں سہارا دیݨ لئی ورتے جاندے نیں۔ ایہنو‏ں ایہدے اطلاق دے حساب ناݪ ٹرانسمیشن کھمبا، ٹیلی فون کھمبا، ٹیلی کمیونیکیشن کھمبا، ہائیڈرو کھمبا، ٹیلی گراف کھمبا، یا ٹیلی گراف پوسٹ دے طور تے کہیا جا سکدا اے۔ سٹوبی پول اک کثیر مقصدی قطب اے جیہڑا سٹیل دے شہتیراں دو ناݪ بݨیا ہُندا اے جو درمیان وچ کنکریٹ دے سلیب تو‏ں وکھ ہُندا اے۔

بجلی دی ترسیل

کھمبے عام طور تے بجلی دیاں دو قسم دی لائناں نوں لجاݨ لئی استعمال ہُندے نیں: ڈسٹری بیوشن لائناں ("فیڈر") تے ٹرانسمیشن لائناں۔ ڈسٹری بیوشن لائناں مقامی سٹیشناں توں صارفین تک بجلی لجاندیاں نیں۔ ٹرانسمیشن لائناں علاقائی سٹیشناں توں مقامی سٹیشناں تک زیادا وولٹیج دی طاقت لے جاندیاں نیں۔ 230 kV توں اُپر دے وولٹیج نوں لجاݨ آݪیاں ٹرانسمیشن لائناں نوں دھات ناݪ بݨے کھمبیاں (پائلن) دے ذریعے سپورٹ کیتا جاندا اے۔

کھمبیاں دی ساخت تے تنصیبات دی مرمت

کچھ مُلکاں وچ کھمبیاں وچ قوساں دے سیٹ بݨائے جاندے نیں جیہڑے کھمبے دے اُتے اک معیاری پیٹرن وچ ترتیب دتے جاندے نیں تاکہ ہتھاں پیراں ناݪ پھڑ کے کم کیتا جا سکے تاکہ دیکھ پعھال تے مرمت کرن واݪے کارکن لائناں اُتے کم کرن لئی کھمبے اُتے چڑھ سکݨ۔ امریکا وچ لائن مین زیادا تر کھمبیاں لئی ایریئل ورک پلیٹ فارم ورتدے نیں جیہڑے گڈیاں دے ذریعے قابل رسائی نیں۔

ماحول اُتے اثرات

کھمبیاں نوں پرندے اپݨے آݪھݨے بݨاؤݨ تے آرام کرن لئی استعمال کردے نیں۔ کھمبیاں تے اوہناں دے ناݪدے ٹعھانچے نوں کچھ لوک آلودگی تے تجاوزات دی اک شکل سمجھدے نیں۔ بہت ساریاں ترسیلی لائناں اس وجہ توں زمین دے تھلے رکھیاں گئیاں نیں۔ آرکیٹیکٹس کچھ ٹرانسمیٹری کھمبیاں (پائلن) نوں خوبصورت بݨاؤݨ لئی ڈیزائن کردے نیں۔

مورتاں

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

ہور دیکھو

• برج
• منار
• تھملا
• کھمبا
• برجی