Episódios
-
Andrés Magnússon og Örn Arnarson ræða um starfsemi veðmálasíðna og hvort að ríkisvaldinu takist að loka á erlendar síður eins og sumir kalla eftir, um kaup verðandi forseta á nýjum bíl, opnunarhátíðina á Ólympíuleikunum og listrænt frelsi stjórnenda hennar, um það vandræðabarn sem Carbfix ætlar að verða og þann kostnað sem viðskiptavinir Orkuveitu Reykjavíkur þurfa að bera vegna verkefnisins og margt fleira. Þá er rætt um hlutverk og trúverðugleika fjölmiðla þegar á reynir, hvort að ný tegund upplýsingamiðlunar eigi framtíð fyrir sér og fleira í þeim dúr.
-
Einar Örn Ólafsson, forstjóri og einn stærsti eigandi flugfélagsins Play, ræðir um stöðu félagsins og uppbyggingu, samkeppnina hér heima og innanlands, horfurnar framundan, þær breytingar sem kunna að verða á framboði félagsins, flotamálin, stöðu ferðaþjónustunnar, hlutabréfamarkaðinn, viðhorf stjórnvalda gagnvart ferðaþjónustunni og margt fleira.
-
Estão a faltar episódios?
-
Hörður Ægisson og Stefán Einar Stefánsson ræða um nýjar vendingar í bandarískum stjórnmálum, auknar skuldir ríkisins og hvaða áhrif þær hafa á hegðun fjárfesta, tillögu um nýjan varaseðlabankastjóra, hvaða áhrif háir vextir eru farnir að hafa í hagkerfinu, stöðuna á hlutabréfamarkaði, hugmyndir Viðskiptaráðs í menntamálum, húsnæðismarkaðinn, skógarhögg í Öskjuhlíð og margt fleira.
-
Friðjón Friðjónsson og Hermann Nökkvi Gunnarsson ræða um stöðuna í bandarískum stjórnmálum, hvaða áhrif banatilræði við fyrrverandi forseta mun hafa á kosningabaráttuna, hvaða áhrif heilsuleysi sitjandi forseta kann að hafa, hvort að stefnumál eins og viðskiptafrelsi og frelsi einstaklingsins eigi upp á pallborðið hjá forsetaefnum og flokkum, hverjir séu líkleg varaforsetaefni, hvaða hópar séu líklegri til að mæta á kjörstað eða sitja heima og þannig mætti áfram telja.
-
Andrés Magnússon og Björn Ingi Hrafnsson ræða um stöðuna í stjórnmálunum hér heima og erlendis, af hverju hver ríkisstjórnin fellur á fætur annarri, hvaða væntingar kjósendur hafa til stjórnvalda og hvort þær væntingar hafa breyst á liðnum árum, hvort að Miðflokkurinn með Sigmund Davíð í fararbroddi sé svarið við óánægju hægri manna, hvort að stjórnmálamönnum sé refsað að ósekju, hvaða áhrif þrálát verðbólga mun hafa á stjórnmálin hér á landi og margt fleira.
-
Hannes Hólmsteinn Gissurarson mætir í Þjóðamálastofuna og fer yfir það helsta. Rætt er um bjagaðar hugmyndir um velferðarríkið, loftslagsbreytingar og það hvort að maðurinn sé að ganga að jörðinni dauðri, um það hvernig frjáls viðskipti gera meira fyrir þróunarríki heldur en þróunaraðstoð, hvort að fólksfjölgun í heiminum sé kostur eða vandamál, hvernig valið hefur færst til embættismanna og eftirlitsstofnana, um gjaldmiðlamál, um það hvort að verkefni stjórnmálamanna ráðist af hugsjónum eða viðbrögðum, stöðuna í stjórnmálunum í löndunum í kringum okkur – og margt fleira.
-
Hörður Ægisson og Stefán Einar Stefánsson sameinast á ný eftir mánaðar viðskilnað í hlaðvarpi Þjóðmála. Við ræðum um fylgi Sjálfstæðisflokksins sem mælist sífellt lægra, stofnun nýrrar mannréttindaskrifstofu fyrir Vinstri græna, kynjaða skuldabréfaútgáfu ríkisins og annað af vettvangi stjórnmála. Þá er rætt um yfirtökuna á Marel og hvaða áhrif hún kann að hafa á markaðinn, vendingar í Seðlabankanum þar sem mögulega þarf að fylla tvo mikilvæga stóla og loks tökum við fyrir spurningar frá hlustendum.
-
Andrés Magnússon og Þórður Gunnarsson ræða um tillögu að vantrausti á matvælaráðherra sem felld var á Alþingi í dag, hvort og þá hvaða áhrif tillagan hefur á stjórnarsamstarfið, viðhorf stjórnvalda til hvalveiða og atvinnulífsins yfirleitt, fráleitar tillögur ríkisstjórnarinnar í loftslagsmálum, þögn formanns Samfylkingarinnar í útlendingamálum, fylgistap hægri flokka sem gleyma erindi sínu, tölur sem sýna enn einu sinni að ríkisstarfsmenn eru með hæstu launin í landinu, minnkandi samkeppnishæfni landsins og margt fleira.
-
Sigurgeir Brynjar Kristgeirsson, betur þekktur sem Binni í Vinnslustöðinni, og Stefán Einar Stefánsson fara yfir stöðuna. Rætt er meðal annars um hvalveiðar, stöðuna í sjávarútvegi, áhrif loðnubrests, lífið í Eyjum, stöðuna í pólitíkinni, tilraun fjármálaráðherra til að siga löggunni á samkeppnina og svar dómsmálaráðherra við því, menntastefnu sem hefur litlum árangri skilað og margt fleira.
-
Andrés Magnússon og Stefán Gunnar Sveinsson frá Morgunblaðinu fara yfir stöðuna í Evrópu í kjölfar kosninga til Evrópuþingsins sem fram fóru um helgina, yfirvofandi kosningar í Bretlandi og í Frakklandi þar sem mikil kergja ríkir – þó af ólíkum ástæðum. Þá er farið yfir þau hugtök sem notuð eru um ólíka stjórnmálaflokka og stjórnmálastefnur, hvort að stjórnmálamenn og eftir tilvikum embættismenn hafa hunsað áhyggjur almennings á liðnum árum og hvaða afleiðingar það hefur, auk þess sem rætt er um hvaða áhrif þetta hefur hér heima fyrir. Loks er rætt um gíslabjörgun Ísraelshers um helgina, sem meðal annars bjargaði gísl sem var í haldi hjá fjölmiðlamanni.
-
Björn Ingi Hrafnsson, ritstjóri Viljans, fer yfir stöðuna í pólitíkinni. Ríkisstjórnin fékk að vera að mestu í fríði á meðan forsetakosningum stóð, en nú þegar þær eru yfirstaðnar hefur komið í ljós að sem svo oft áður er mikill órói á stjórnarheimilinu. Við ræðum um flókna stöðu Vinstri grænna sem leita að nýjum leiðtoga, skrif starfsmanna flokksins um stjórnarsamstarfið, stöðu Sjálfstæðisflokksins sem virðist skorta erindi, kröfur Framsóknar um aukin ríkisútgjöld og skattahækkanir, umræðuna um stjórnmálamenn í aðdraganda forsetakosninga – og margt fleira.
-
Andrés Magnússon og Stefán Einar Stefánsson rýna í niðurstöður forsetakosninganna. Við förum yfir hvað það var sem við teljum að hafi landað sigri fyrir Höllu Tómasdóttur, af hverju fylgið lækkaði hjá öðrum frambjóðendum, hvort að kosningarnar feli í sér einhver önnur skilaboð og þannig má áfram telja.
-
Andrés Magnússon og Stefán Einar Stefánsson ræða um forsetakosningarnar sem fram fara í dag, hvernig helstu frambjóðendur hafa staðið sig, þau atriði sem hafa komið upp og haft áhrif á þróun kosningabaráttuna, stöðu Katrínar Jakobsdóttur, vöxt á fylgi við Höllu Tómasdóttur, ósannsögli Höllu Hrundar, hlutverk fjölmiðla í aðdraganda kosninganna, ólíka afstöðu fólks eftir stjórnmálaskoðunum og margt fleira. Þetta er þáttur sem allir verða að hlusta á áður en þeir ganga inn í kjörklefann.
-
Þjóðmál ferðast til Finnlands og sækir viðburð þar sem tilkynnt er um nýja Michelin staði á Norðurlöndunum. Í þætti dagsins fara þeir Hörður Ægisson og Stefán Einar Stefánsson yfir það helsta úr ferðinni en þá er stiklað á stóru í innlendum málefnum, s.s. hlutafjárútboði Íslandshótela, ákvörðun Hagkaups um að selja áfengi í netverslun og umræðuna sem sú ákvörðun hefur skapað, komandi forsetakosningar, hvalveiðar og margt fleira. Þá er rétt að upplýsa að Þjóðmál munu standa fyrir kosningavöku í Gamla kvennaskólanum við Austurvöll á laugardagskvöld, en fjallað er nánar um það í þættinum.
-
Björn Berg Gunnarsson fjármálaráðgjafi og Heiðrún Lind Marteinsdóttir, framkvæmdastjóri Samtaka fyrirtæki í sjávarútvegi, fjalla um mikilvægi þess að viðhalda og auka við verðmætasköpun í sjávarútvegi, samanburðinn við önnur ríki, samskipti stjórnvalda og atvinnulífs, hvernig framtíðin kann að líta út, fyrirtækin sem verða til vegna nýsköpunar og þróunar og annað sem tengist þessari mikilvægu atvinnugrein okkar Íslendinga.
-
Bjarni Benediktsson forsætisráðherra mætir í Þjóðmálastofuna og fer yfir stórum málin. Farið er yfir stöðuna í hagkerfinu, hvort að skrifa megi núverandi stöðu á efnahagsstjórn síðustu ára, stöðu og hlutverk Seðlabankans og aukin ríkisútgjöld. Þá er rætt um stöðuna í stjórnmálunum, stjórnarsamstarfið, hvort að tekist verði á við stór verkefni eins og málefni hælisleitenda og orkumál, fylgi Sjálfstæðisflokksins, hinn sístækkandi eftirlitsiðnað, hvort að hægt sé að segja að Sjálfstæðisflokkurinn styðji við atvinnulífið og margt fleira.
-
Heiðar Guðjónsson, hagfræðingur og fjárfestir, ræðir um undarlegar tillögur stjórnvalda sem vilja leggja það til að Íslendingar gerist grænmetisætur og leggi af alla stóriðju, um stöðuna á Norðurslóðum og áhrif breytinga þar í efnahagslegu og samfélagslegu tilliti, um nýsköpun og sjálfbærni, umræðu stjórnmálamanna um atvinnulífið, stöðuna í hagkerfinu og horfurnar framundan, hræðsluna við erlendar fjárfestingar, stöðuna á hlutabréfamarkaði og margt fleira.
-
Hörður Ægisson og Stefán Einar Stefánsson fara yfir ákvörðun Seðlabankans um að halda stýrivöxtum óbreyttum í heilt ár, þau áhrif og afleiðingar sem það hefur og margt fleira því tengt. Þá er rætt um komandi forsetakosningar og það helsta sem á sér stað í þeirri kosningabaráttu, umfjöllun um bensínstöðvarlóðir, allt það helsta á markaðinum, leiðréttingu á umræðu um tískumerki og margt fleira.
-
Hagfræðingurinn og eðlisfræðingurinn David Friedman var nýlega staddur hér á landi. Hann kom við í Þjóðmálastofunni og ræddi þar um hinn frjálsa markað, hversu mikil völd hið opinbera ætti að hafa, um loftslagsmál, stöðu háskóla í hinum vestræna heimi og margt fleira.
-
Hörður Ægisson og Þórður Gunnarsson fara yfir allt það helsta, hver sé líklegur til að verða varaseðlabankastjóri og hvaða áhrif það mun hafa á peningastefnunefnd bankans, hversu líklegt það sé að vextir lækki í bráð, um aukna arðgreiðslu Landsvirkjunar og möguleikana á að skrá hluta félagsins á markað, um stöðuna á annars daufum hlutabréfamarkaði, dauf uppgjör bankanna og margt fleira.
- Mostrar mais