Gimnastica als urdeins
|
Questa pagina è scritta en sursilvan. |
La gimnastica als urdeins u Gimnastica d'urdains (ni era gimnastica artistica) ei ina disciplina olimpica individuala. La finamira eis ei da far in exercezi tenor criterias (tecnica e posiziun dil tgierp) fixadas. Entras la gimnastica vegn promoviu la coordinaziun e cundiziun, denton era curascha e disciplina dil tgierp.
En Svizra fan ins la differenza denter gimnastica artistica e gimnastica d'urdeins. En la gimnastica artistica han ins: rec, barra, cavagl (Pauschenpferd), rins, plantschiu, barra asimetrica, barra d'equiliber (Schwebebalken) ed urdeins da siglir sco buc, arcun (Kasten), cavagl e trampolin (Sprungtisch). Per la gimnastica d'urdeins han ins pli paucs elements, numnadamein: plantschiu, rins, trampolin, rec e barra (gliez han denton mo ils umens). La cundiziun da partenza per valetar ils exercezis ei 10.00. Da quella nota vegn tratg giu puncts tut tenor con bein ed exact ch'ins fa gimnastica. Suenter che tuts han finiu dati ina proclamaziun dals resultats. Quels che ein sin il podest servegnien ina medaglia e 1/3 da tut quels da las medemes kategories servegnien in premi.
La gimnastica en Svizra
[modifitgar | modifitgar il code]La gimnastica als urdeins ei oravontut derasada en Svizra, nua ch'ella s'auda tier il sport popular. La gimnastica artistica denton ei in sport da prestaziun che vegn practicau sin l'entir mund ed ei ina disciplina olimpica. En la gimnastica als urdeins fan las mattatschas lur exercezis vid quatter diferents, buobs vid tschun differents urdeins. Ils urdeins ein reck, sigliera, rings e plantschiu e per ils buobs aunc barra. En ina concurrenza sto mintga participont mussar in exercezi vid mintga urdein che sto consister da quatter tochen sis elements (priu ora dil exercezi vid la sigliera che consista mo d'in element). Ils arbiters valeteschan ils elements tenor la tecnica e la posa che quel che presentescha il exercezi muossa cun trer giu ils sbagls dalla nota da partenza 10.00.
Ei dat differentas categorias che van dalla categoria 1 tochen 7, dasperas dat ei aunc la categoria «dunnas», en la quala ch'ins ei cun 18 tochen ca. 25 onns.