Nigerie
'A Nigerie, ufficialmènde Repubbleche Federale d'a Nigerie, jè ô state cchiù populate de ll'Afriche occidentale. Confine cu 'u Benin ad ovest, 'u Ciad ed 'u Camerun ad est, 'u Niger a nord e a sud ète vagnate da ll'Oceane Atlandiche cu 'u Gurfe de Guinee. Uèttave state d'u munne pe' popolazzione, fàce parte d'u Commonwealth of Nations. Le prengepále cetate, oltre ad 'a capitale de ôsce a die Abuja (da 'u 1991) e a quèdde precedente, Lagos, sonde: Abeokuta, Ibadan, Port Harcourt, Kano, Kaduna, Jos e Benin City.
Nigerie | |
---|---|
Aunitate e Forze, Pace e Progresse
| |
![]() | |
Date amministrative | |
Nome comblete | Repubbleche Federale d'a Nigerie |
Nome ufficiale | Federal Republic of Nigeria |
Lènghe ufficiale | 'Nglise |
Capitale | Abuja (1.078.700 ab.) |
Politiche | |
Forme de governe | Repubbleche federale |
Capo di Stato | Muhammadu Buhari |
'Ndipendenze | 1º ottommre 1960 (da 'u Regne Aunìte) |
Trasute jndr'à l'ONU | 7 ottommre 1960 |
Superficie | |
Totale | 923.768 km² (31º) |
% de le acque | 1,4% |
Popolazzione | |
Totale | 158.092.542 ab. (2010) (9º) |
Denzetà | 147 ab./km² |
Nome de le javetande | Template:AggNaz/Nigerie |
Sciugrafije | |
Continende | Africa |
Fuse orarie | UTC +1 |
Economie | |
Valute | Naira |
PIL (nominale) | 345,381 milione de $ (2009) (32º) |
PIL pro capite (nominale) | 2,422 $ (2010) (139º) |
ISU (2010) | 0,423 (vasce) (142º) |
Varie | |
Codece ISO 3166 | NG, NGA, 566 |
TLD | .ng |
Prefisse tel. | +234 (007 da 'u Kenye e da ll'Ugande) |
Sigle autom. | WAN |
Late de guide | Destre (↓↑) |
Inne nazionale | Arise O Compatriots, Nigeria's Call Obey |
![]() | |
Jè 'na repubbleche costituzionale de tipe federale combrennende 36 state. 'U territorie nigeriane jè jàvitate accumenzanne da 'u 9.000 a.C. e fu denominate Nigerie da Flora Shaw, future zite d'u Barone Lugard, jndr'ô XIX sèchele. Da 'u punde de viste releggiose 'a popolazzione se scucchie quase perfettamènde 'mbrà crestiáne e musulmane. L'economije d'ô state jè jndre 'na forte crescite, cumme demostrane le date d'u Funne Monetarie 'Ndernazionale d'u 2008 e d'u 2009.
Sciugrafije
cangeMorfologgije
cangePe approfondimende, 'ndruche 'a vôsce Sciugrafije d'a Nigerie. |
'A Nigerie se iacchie jndr'ô Gurfe de Guinee, jndr'à ll'Afriche Occidentale. Le cetate prengepále sonde concendrate jndr'à lle chianure d'u sud. 'A vanne cendrale d'u paise jè furmate da colline e ìrtechiane. 'U nord jè prevalentemènde occupate da chianure aride. Le pajèsere confinande sonde Benin, Niger, Ciad e Camerun.
Idrografije
cange'A Nigerie jè approssemativamènne scucchiáte jndre quiste ttrè reggione da le jume Niger e Benue, ca se spànnene pe' 'u paise da nord-est a sud-ovest, pe' confluire nnande ad 'u cendre d'u paise, non assaje lundane d'a nuève capitale federale Abuja. A quiste punde le dò jume aunite scorrone verse sud n'direziune de ll'Oceane Atlandiche, ad 'u cui 'ngondre ccrèjene 'u delte d'u Niger.
Clime
cangeCchiù ca da lle combonènde morfologgeche, 'a varietate de lle condiziune ambiendale jè determinate, jndr'à Nigerie, specialmènde da 'u clime. Jidde cange da sud a nord seconne le modaletate proprije de le vaste superfice continendale suggette a lle ritme staggionale ca cangiane continuamènde pe' lle 'nflusse de lle masse d'arije maritteme e continendale. Se honne 'nvìerne asciutte ed estate chiovose, cu 'u progressive attenuarse verse nord de lle apporte umide oceaneche. A quiste jè 'nvece costantemènde suggette 'a vanne costiere e n'particulare 'a reggione deltizie d'u Niger, caratterezzate da 'nu clime de tipe equatoriale. 'A staggione de lle chiogge stè dure da 4 a 7 mise jndr'à reggione combrese 'mbrà lle parallele de 11º e 8º (da másce o da sciùgne a settèmmre o a ottommre); dope quiste periode avène 'a longhe staggione asciutte legate a lle 'nflusse de ll'andiciclone sahariane ca genere viènde caratteristeche, secche, cumme l'harmattan. A sud de quèste vanne 'a staggione chiovose stè dure cirche 7 mise. Jndr'à vanne costiere a clime equatoriale pe' spiccià, le chiogge sonde omogeneamènde spannùte jndr'ô curse de ll'anne, pure ce devendane 'nu picche cchiù tènue jndr'à lle mise 'nvìernale. Jndr'à lle 'nzieme de ll'annate le precipitaziune raggiungone aqquà le 2.500 mm; jndr'à vanne 'ndermedie cangiane 'mbrà lle 1.000 e le 1.500 mm; pe' spiccià jndr'à vanne settendrionale vonne da lle 1.000 a le 500 mm verse nord. Pe' quanne arreguarde le valore termeche, se scè da lle medie equatoriale de le 25-26 °C d'a vanne costiere, a le 26-30 °C de lle zone 'ndermedie, jndre cui le oscillaziune sonde cchiù senzibbele; jndr'à vanne settendrionale, pe' spiccià, a le valore massime de 38-41 °C se opponène le medie mineme de 13-16 °C. Le masseme se verificane aqquà jndr'à ll'arrive d'a staggione de lle chiogge (abbrìle).
Ordinamènde d'ô State
cangeSuddivisiune amministrative
cangePe approfondimende, 'ndruche 'a vôsce State d'a Nigerie. |
'A Nigerie jè scucchiáte jndre 36 state e 1 territorie. S'ha ddà segnalà ca alcune Statère sonde dotate de Pringepe maomettane o Sultane. 'U cchiù 'mbortande Sultanate jè Sokoto, 'u cui Sultane jè ufficialmènde 'a massime autoretate islameche d'u Paise.
Ogne state elegge 'u proprije Guvernatore ca nnumene 'nu Conziglie Esecutive, e 'nu Parlamènde de ll'assemblee unicamerale.
Cetate prengepále
cangePe approfondimende, 'ndruche 'a vôsce Cetate d'a Nigerie. |
Jndr'ô 2010 'a Nigerie cunde 10 cetate cu 'na popolazzione cca stè supere 'u miglione, e cirche 70 cetate cu cchiù de 100.000 crestiáne. Le date sus 'a popolazzione non ge sonde tuttavije sembre affidabbele, viste ca avènene spesse cundestate e strumendalizzate pe' le tensiune etneche ca se iacchiene jndr'ô paise[1]: Seconne 'u site World Gazeteer[2], le prime 10 cetate nigeriane sonde:
- Lagos, 9.968.455 crestiáne, cirche 15.500.000 jndr'à ll'aree metropolitane
- Ibadan, 5.175.223
- Benin City, 2.406.697
- Kano, 2.376.372, cchiù de 3.500.000 jndr'à ll'aree metropolitane
- Port Harcourt, 2.100.711
- Kaduna, 2.061.175
- Aba, 1.597.296
- Abuja, capitale federale, 1.352.679
- Maiduguri, 1.126.195
- Ilorin, 1.084.681
Istituziune
cangeSport
cange'U calce jè une de lle sport cchiù pratecate jndr'à Nigerie. 'Mbrà lle calciatore nigeriane de levèlle 'nternazionale se pòtene ccu cite Jay-Jay Okocha, Obafemi Martins e Nwankwo Kanu. 'Mbrà lle sport cchiù pratecate ce stonne 'a pallacanestre ed 'u rugby.
Tradiziune
cangeCrestiáne famuse
cange- John Ekemenzie Okoro, (nasciùte 'u 21 aguste 1949), vescove d'a Chiese vetero-cattoleche d'Austrie.
- Eddy Wata, cantande de genere dance.
- Thomas Adeoye Lambo, direttore de ll'Organizzaziune Mondiale d'a Sanetate, une de le prime psichiatre operande jndr'à ll'Africa.
- Wole Soyinka, Premie Nobel pe' 'a letterature, poete e drammaturghe.
- Ken Saro-Wiwa, une de le 'ndellettuale cchiù segnefecative de ll'Africa postcoloniale.
- Nneka, cantande.
- Fela Anikulapo Kuti (15 Ottommre 1938– 2 Aguste 1997), une de lle artiste cchiù segnefecative d'a Nigerie
- Chimamanda Ngozi Adichie, screttrice de famuse romanze cumme 'Purple Hibiscus' e 'Half of a yellow sun'
- Chinua Achebe, scretture de romanze funnamendale pe' 'a letterature nigeriane, cumme 'Things Fall Apart' o 'Arrow of God'
Note
cange- ↑ Felix Onuah, Nigeria gives census result, avoids risky details, Reuters, 29 decèmmre 2006. URL conzultate il 23-11-2008.
- ↑ www.World Gazeteer.com. Se pòte vedè pure www.geonames.org, ca contène dae defferende.
Bibbliografije
cange- ICOM, Red List, International Council of Museums [1]
- Fabio Maniscalco, Archaeological Looting and the Protection of Cultural Property in Nigeria, in "Web Journal on Cultural Patrimony", vol. 1, 2006 [2]
- ICOM, Red List, International Council of Museums [3]
- Fabio Maniscalco, Archaeological Looting and the Protection of Cultural Property in Nigeria, in "Web Journal on Cultural Patrimony", vol. 1, 2006 [4]
Otre pruggette
cange- Uicchimedie Commons tène files multimediale sus Nigerie
- Artichele sus Wikinotizie: Nigeria: rilasciato l'italiano rapito
Condrolle de autorità | VIAF (EN) 130803976 · ISNI (EN) 0000 0001 2157 8678 · LCCN (EN) n79056412 · GND (DE) 4042300-1 · BNE (ES) XX452385 (data) · BNF (FR) cb11868654f (data) · J9U (EN, HE) 987007266066205171 · NDL (EN, JA) 00568000 |
---|
'Ndruche pure
cangeCollegaminde fore a Uicchipèdie
cange- L'associaziune tagliáne ca sostène 'a Nigerie
- Schede d'a Nigerie da 'u site Viaggiare Secure - Site curate da 'u Ministere de lle Estere e da ll'ACI
- Nigerian Government website
- Online Nigeria
- Nigeria Web Portal
- Website de 'ngazzaminde pe' Nigeriane
- médias Nigeria
- Nome nigeriane ed 'u lòre segnefecate