Location via proxy:   [ UP ]  
[Report a bug]   [Manage cookies]                
Zumbe a 'u condenute

Storie

Cange le collegaminde
Ce tìne probbleme sus 'a visualizzazzione de le carettere, cazze aqquà.
Da Uicchipèdie, 'a 'ngeclopedije lìbbere.


Allegorije d'a storie. (Nikolaos Gysis, 1892)

'A storie (da 'u greche ἱστορία, historìa, ispezione [visive]) jè 'a discipline ca s'occupe d'ô studie d'u passate tramite l'ause de fonde, ca sonde totte quidde ca, d'abbasce 'a forme de documènde, pòte ccu trasmette 'u sapere[1]. Cciù sattamènde, 'a storie jè 'a recerche suse a lle fatte d'u passate e 'u tendative de 'na narrazione condinue e sistemateche de le stesse fatte, 'nquanne conziderate de 'mbortanze p'a specie aumane[2]; le fatte avènene solitamènde 'nderpretate ad 'a luce d'a visione etiche proprije d'ô storeche 'mbuène fede[3].

'U termine "storie", ind'à lènga tagliáne, accussì cume jndre a otre lènghe, tène pure 'u segnefecate de "raccunde letterarie" o comungue de narrazione, orale o scritte, de vicende immagenarije[4]. Arreguarde a quèste accezione d'u termine non s'honne ddà fa 'ngazaminde jndre sta vôsce, pure ce 'a storie de pe' ssé jè 'na "narrazione" elabborate ausanne l'immagenazione proposte a 'nu pubbleche 'nderessate de lettore.

Etimologgije

[cange • cange 'a sorgende]

'A parole "storie" avene da 'u greche ἱστορία (istoría), ca segnefeche "recerche". Già 'mbrà lle Grice 'u segnefecate arrive a spannerse a 'u resultate de quèdde recerche, accussì "canoscenze pigghiate tramite indagene", me pure 'a registraziona de quèste stesse canoscenze grazzie a 'u raccunde de le evende d'u passate.[5] Ἱστορία avene a sove vôte da ἵστωρ, -ορος (histōr, -oros): ind'à ll''Iliade (18, v. 501 e 23, v. 486), ἵστωρ jè quidde ca jndre 'nu 'ngazzamènde pòte ccu giudeche attribuenne 'a giuste 'mbortanze a le raggione de le contendente, 'na specie de giudece de prime istanze[6], me ind'ò V sèchele a.C. 'u termine, jndre a Erodoto (2, 113), scè da ll'ambite giurideche a quidde propriamènde storeche e tène già 'a sove doppie nature (indeanne tande l'attivetata quande 'u resultate sue). Ἱστορ connevide 'a stesse radice d'u perfette oîda ("canosce"), ligate a sove vôte ad 'a nozione d'u "videre" espresse ind'ò indoeuropèe cumme *woid- (forme requagghiate), a sove vôte recadende jndre assaje forme ind'à lle lènghe appartenènde a quèste famigghie lènguisteche[7]. Ad 'a lènga tágliane 'a parole storie jè arrevate attraverse 'u latine historia ("recerche", "canoscenze"), ca descenne da 'u greche historía.

Jè c'u senze de "canoscenze pigghiate ausanne l'indaggene" e "recerche" ca Aristotele ause 'u termine ind'ò sue Περί Τά Ζωα Ιστορία (Peri Ta Zoa Istorìa) o, ind'à forme latinizzate, Historia Animalium.[8]

Fù sembe c'u senze grece ca Frangische Bacone ause 'u termine ad 'a fine d'u XVI sèchele, quanne scrisse arreguarde ad 'a "Storie Naturale". Pe' jidde, historia ère "'a canoscenze de oggette determinate da 'ô spazzie e da 'u timbe", quidde tipe de canoscenze quagghiate d'a memorie (mendre 'a scienze ère fornite d'a raggione e 'a poesie d'a fandasie).

Jndre totte le lènghe europèe, 'u sostandive storie avene arrète ausate ccu inneche sije "quidde ca ète accadute a lle omme" sje "'ô studie da parte de 'nu studiuse de quidde ce jè successe": quiste urteme segnefecate quacche vôte avène distinde c'a lettere maiuscole, "Storie" o c'u termine storiografije[8], ca inneche appunde 'a letterature dedicate e 'u corpus de lle 'nderpretazzione penzate da lle storece.

Descriziona

[cange • cange 'a sorgende]
Erodoto, V sèchele a.C. jè conziderate l'"attàne d'a storie"

«L'Historia si può veramente deffinire una guerra illustre contro il Tempo, perché togliendoli di mano gl'anni suoi prigionieri, anzi già fatti cadaueri, li richiama in vita, li passa in rassegna, e li schiera di nuovo in battaglia.»

(A. Manzoni, Le promesse spose, 'Ndroduzione)

'A storie jè spinde d'a recerche d'a crejazione de 'nu "vère discorse d'u passate": 'a muderne discipline de storie se congendre suse a 'u quagghiamènde istituzionale de quiste descorse cu attenzione suse a lle evende quagghiate da l'omme. Quèste embase suse a l'aspette de l'omme hé fatte de le omme 'u soggette cendrale de le narrazione ind'à lle 'ngazzamìnde classece d'a storie muderne; de conseguenze, 'a storie hé pigghiate 'nu senze ce jè cchiù granne de quidde de resultare sulamènde 'nu raccunde riale d'u passate de l'omme. 'A storie spesse stè simbolegge 'u quagghiamènde de evende ca tènene potenziale de cangiamènde e ca 'ndroducene ind'ô future: quiste jè cumme 'nu scheme temborale, evidenziate da 'u segnefecande de storie, ca aunìsce 'u passate, 'u presènde e 'u future. 'A temboraletata storeche jè accussì radecate ind'à ll'idee ca soggette umane autonome pòtene ccu tène 'na soggettivetata storeche ca le pòte ccu ajute ind'ô quagghiamènde de evènde e ca le ajute sùbbete sùbbete ccu registre e ccu cunde evènde passate d'abbasce 'a forme d'a storie.

Totte le avvenimènde ca avènene reggestrate e preservate jindre quacche forme (quèdde ca non ge pòtene ccu jèssere idendefecate cumme no storeche o ca comungue rumanene apìrte a 'u descorse storeche) costituiscene 'a testimonianze storeche. Le evènde ca sonde presumibbelmènde accadute apprìme d'a venute d'a comunecazziúne scritte sonde accussì chiamate "preistorie". 'A fatije auto-assignate d'u discorse storeche jè quidde ccu identifeche le fonde ca pòtene ccu condrebbuiscere a quagghiamènde de raccunde veritiere d'u passate. Accussì 'a costituzione de ll'archivije d'ô storeche jè 'a resultande d'u circoscrivere 'nu archivije cchiù generale 'mbalidanne l'ause de quacche teste e documènde (reuscenne accussì ccu 'mbalede le affermazione lòre ccu rappresende 'u "vère passate"). Alcune storece studiane 'a storie universale, otre congendrane 'a proprije fatije suse a determinate metode[9] o suse a otre vanne[10].

Otre vanne de studie

[cange • cange 'a sorgende]

Felosofije d'a storie

[cange • cange 'a sorgende]
Pe approfondimende, 'ndruche 'a vôsce Felosofije d'a storie.

'A felosofije d'a storie jè 'a vanne d'a felosofije ca se occupe, ce esiste, d'u segnefecate d'a storie de l'omme; ipotizze 'nu possibbele fine teleologgeche d'u sveluppe sove e se chiede ce ha ddà esiste 'nu designo, 'nu scope, 'nu obbiettive o 'nu prengipie guide ind'ô processe d'a storie de l'omme. Ce l'oggette sue jè 'a veretata o 'u dovè ccu jèsse, ce 'a storiejè cicleche o lineare, o esiste jndre a jèdde 'u cungetto de progresse, sonde totte 'ngazzamìnde de le quale s'occupe 'a felosofije d'a storie.

Non ge s'honne ddà combondere le possibbele fine teleologeche de l'omme ind'à storie cu le fine d'a storie stesse, ce sonde 'a giustefecazione d'a proprie storie cumme memorie de l'umaetata. 'A storie jè 'na scienze suggiale e de l'omme ca non ge se pòte ccu esimerse da 'u combrennere piccé jè responsabbele d'o studie de le processe suggiale: jèdde 'mbatte ha ddà spiegà le fatte e le evènde d'u passate, sije p'a canoscenze 'nsé, sije piccé 'n'ajute ccu combrenne 'u presende (Miguel de Cervantes hé definite 'a storie, 'na mèste de vite). Sallustio jè arrevate ccu dice ca 'mbrà lle varie fatije ca s'esercitane cu lle 'ngegne, 'a memorie de le evènde passate jè 'a cchiù 'mbortande p'a sove granna utiletata.[11]

'A 'mbortanze radecale de quiste se base suse a 'u fatte c'a storie jè l'uneche scienze - 'nzieme ad 'a medicine - jndre cui 'u suggette recercatore coincide cu l'oggette d'o studie. Da qque 'a granna responsabbeletata d'o storeche: 'a storie tène 'na proiezione verse 'u future proprije p'a sove putènze trasformatrice cumme strumènde de cangiaminde suggiale. Quiste jè applecabbele a quidde ca Karl Marx hé ditte de le felosofe: fine a mò honne sulmamènde 'nderpretate 'u munne jndre deverse mode; mò se tratte de cangiarle.[12]

Storie meletare

[cange • cange 'a sorgende]
Pe approfondimende, 'ndruche 'a vôsce Storie meletare.

'A storie meletare se congendre suse a 'u studie de comblitte ca sonde avvenute ind'à suggetata umane. Jèdde 'nglude l'analese uerre, battagghie, strateggije meletare e armamènde. 'A storie meletare jè formate da lle evènde ind'à storie de l'omme ca se iacchijene a lle 'nderne d'a categorije de comblitte: quèste pòte ccu sse spuèste da 'na uerre 'mbrà doje tribbù a comblitte 'mbrà vère e proprije esercite, fine a 'na uerre mondiale ca arreguarde 'na granna vanne d'a popolazzione d'u munne. Le storece meletare registrane ('mborme escritte o altrimènde) le evènde d'a storie meletare.

Storie de le statère

[cange • cange 'a sorgende]

Particolare luèche sciugrafeche pòtene ccu ccrèje le base p'o studie storeche, cumme pe' esembie, continènde, Statère e cetate.

Storie suggiale

[cange • cange 'a sorgende]
Pe approfondimende, 'ndruche 'a vôsce Storie suggiale.

'A storie suggiale jè 'ô studie de cumme le suggetate s'adattane e cangiane ind'ô corse de periode de timbe. 'A storie suggiale jè 'na vanne de studie storeche conziderate ccu jèsse da quaccheddune 'na scienze suggiale ca cirche ccu venne prove storeche da 'u punde de viste de andamènde de sveluppe suggiale. Ind'à sta visiona, se pòte ccu ìnglude pure 'a storie economeche, 'a storie d'u jusse e l'analese de otre aspette 'a suggetata civile ca fàcene vidè l'evoluzione de norme e combortamènde suggiale.

Storie economeche

[cange • cange 'a sorgende]
Pe approfondimende, 'ndruche 'a vôsce Storie economeche.

'A storie economeche jè 'ô studie de cumme le fenomene economece se sonde evolute ind'ô passate. L'analese jè svolte ausanne 'na combinazione de metode storece, statistece e ausanne l'applecazione de le teorie economeche suse a situazione storeche. Quiste cambe de studie tène assaje punde 'ngomune c'a storie suggiale, me se distingue pe' 'na cchiù granna attenzione a 'u commerce e a le affare 'mbrà statère e a l'evoluzione d'u munne d'a fatije, tande ca s'ète parlate assaje ce 'a storie economeche sije effettivamènde 'na vanne de ll'economije o d'a storie.

Note

[cange • cange 'a sorgende]
  1. ↑ 'U fatte ca, pe' 'nu certe periode, 'a storie cumme disciplinw se sije funnate specialmènde suse a báse documendale scritte hé fatte addevendà populare 'a combenzione pe' cui quèste ha ddà acumenzà cu ll'imbenzione d'a scretture, mendre 'u periode ca jè avenúte apprìme jè ditte "preistorie". Se pòte vidè stu passe de Marie Liverani: "L'origgene d'a cetata segnefeche origgene d'ô State e d'a stratifecazione socio-economeche. Segnefeche accussì l'origgene d'a storie, no tande p'u fatte ca 'u nuève strumènde d'a scretture ce pòte lassà 'na fonde de 'mbormazione cchiù esplicite e cchiù dettagliate, me specialmènde p'u fatte ca p'a prime vôte se pòte vidè 'a 'nderazione comblesse de gruppe aumane a lle 'nderne de le singhele comunitate […]" (Andìche Oriende: storie, suggetate, economije, Rome-Bare, Laterza, 2009, ISBN 978-88-420-9041-0, p. 108).
  2. ↑ Whitney, W. D. (1889).The Century dictionary; an encyclopedic lexicon of the English language. New York: The Century Co., p. 2842.
  3. ↑ Edward Carr, Sèje lezione suse 'a storie, Torino, Einaudi, 1966.
  4. ↑ No accusì ind'ò 'nglese ca fàce defferenze 'mbrà history e story.
  5. ↑ Lellia Cracco Ruggini (a cure de), Storie andìche. Cumme s'honne ddà legge le fonde, ed. Il Mulino, Bologne, 1996, ISBN 88-15-07650-6, p. 9.
  6. ↑ Otre attestazione d'a parole ἵστωρ se iacchijene ind'à lle Inne omerece, jndre a Eraclito, ind'ò giuramènde de ll'efebo ateniese e ind'à lle iscrizione beoteche (jndre 'nu senze legale, sije "giudece" ca "testimone" o simile). 'A forme historeîn ("ccu domanne, ccu 'mborme") jè 'na derivaziona ioneche ca s'accumenze ccu ause ind'à Grece classeche e cchiù nnande jndre totte 'a civiltata ellenisteche.
  7. ↑ Cfr. Alberto Nocentini. l'Etimologgeche ver. 1.5.0, Le Monnier.
  8. ↑ 8,0 8,1 Ferrater-Mora, José. Diccionario de Filosofia. Barcelona: Editorial Ariel, 1994.
  9. ↑ Quiste cmobrenne vôsce cumme 'a cronologgije, 'a demografije, 'a storiografije, 'a genealoggije, 'a paleografije o 'a cliometrije
  10. ↑ Quiste combrenne vôsce cumme 'a Storie d'u Brasile, Storie d'a Cine o 'a Storie d'a scienze
  11. ↑ Sallustio, Bellum Jugurthinum, IV, 1.
  12. ↑ Storie d'a felosofije:Marx, su linguaggioglobale.com.

'Ndruche pure

[cange • cange 'a sorgende]
  • Pseudostorie: termine ca descrive le 'mbormazione suse a 'u passate ca non ge tràsene ind'ò dominie d'a corrènde prengepále d'a storie (quacche vôte jè 'nu equivalènde d'a pseudoscienze).

Metode e strumènde

[cange • cange 'a sorgende]
  • Revisionisme storeche: Tradizionalmènde avène ausate jndre 'nu senze combletamènde neutrale pe' descrivere l'opere o le penziere de 'nu storeche ca ha riviste 'na visiona apprìme pigghiate pe' bbuène de 'nu particolare argumènde.
  • Giudizie storeche

Otre

[cange • cange 'a sorgende]
  • ChangeLog: registre de le cangiaminde combiute da 'nu pruggette, cumme 'nu site web o 'nu pruggette software.
  • Evoluzione aumane: prucesse de cangiaminde e sveluppe, o evoluzione, da cui le essere aumane avènene fòre cumme specie distinde.
  • Film storeche: 'a descriziona d'a storie jndre le film.

Studie e cambe specifece

[cange • cange 'a sorgende]

Quiste sonde le accesse ad 'a storie; aqquà non g'avènene elengate le storie de otre cambe, cumme pe' esembie 'a storie d'a scienze, storie d'a matemateche e storie d'a filosofije.

Discipline correlate

[cange • cange 'a sorgende]
  • Archeologgije: 'ô studie sistemateche d'u nuèstre passate aumane, basate suse 'a recerche de materiale ca arreguardane culture e cundeste, ca ccrèjane 'nzime 'a testimonianze archeologgeche.

Otre pruggette

[cange • cange 'a sorgende]

Collegaminde fore a Uicchipèdie

[cange • cange 'a sorgende]
Pigghjete da "https://roa-tara.wikipedia.org/w/index.php?title=Storie&oldid=132777"