Микроскоп
Микроско́п, од гр. μικρός дробный и σκοπέω смотрю — оптичный пристрой, хоснованый про звекшене указаня объектох, котры не мож видѣти голым оком.[1] Первы микроскопы были оптичны, зато кедь не означено инше, розумѣе ся же иде о микроскоп оптичный.
Голе око и микроскоп
[едітовати | едітовати жрідло]Голе людске око не може видѣти дробны предметы, меншы од 0,1 мм. Микроскоп давать можность роспознати штруктуры, в котрых оддалѣня меджи елементами до 0,2 мкм. Обычайно микроскоп мать двохступньову систему звекшѣня, створену объективом и окуларом, што довъедна давать звекшѣня до 1500 крат. В оптичну схему микроскопа входять тыж пристрои, котры потребны про добре присвѣтльованя объекта.[1]
История
[едітовати | едітовати жрідло]Первый микроскоп, зложеный з объектива и окулара (зложеный микроскоп) справив Захариас Янсен, оптик, выробник окулярьох в року 1590. Галилео представив свою верзию, иншакой конштрукции в року 1610. Далшы вынаходникы вылѣпшили микроскоп. Были вывинуты бинокуларны микроскопы (з двома окуларами), в котрых мож было видѣти объект обома очима. Намѣсто едного объектива вывинули ротачный надставок зоз трьома або четырма объективами. Кедь окулар мать штандартне звекшѣня 10х, а объективы 4х, 10х, 40х и 100х, з такым микроскопом буде мож видѣти объект зо звекшѣньом од 40 до 1000 крат.[2]
Жерела и одказы
[едітовати | едітовати жрідло]- Микроскоп. //Физическая энциклопедия. М: Научное изд-во «Большая Российская энциклопедия», 1992. Гл. ред Прохоров А. М. Т. 3 Магнитоплазменный — Пойнтинга теорема. 1992. 672 с, ил. ISBN 5—85270-019—3 (т. 3) ISBN 5—85270-034—7
- What is a Compound Microscope? //WiseGEEK, clear answers for common questions англ.
