Climatologia
Sa climatologia est s'istùdiu de su clima e su tempus e est istadu un'afare chi at ocupadu a sa Geografia dae sos cumintzos suos. Dae sas conditziones atmosfèricas dipendent medas atividades umanas, dae sa massaria finas a una passigiada simpre pro su campu. Pro custu s'est fatu un'isfortzu mannu pro annuntziare su tempus meda a curtzu.
Su primu chi depimus acrarire sunt sos cuntzetos de tempos e clima, chi faghent riferimentu in iscalas temporales diferentes.
Cando unaregione, tzitade, monte, etz, tenet unu clima diferentziadu dae su clima zonale naramus chi est unu topoclima. In prus, numenamus microclima su chi non tenet divisiones inferioras, comente su chi b'at in un'abitatzione, suta un'àrbore o in unu contone determinadu de una carriera.
Su clima tendet a èssere regulare in perìodos de tempos largos meda, agiomai geològicos, fatu chi permitet s'isvilupu de unu matedu determinadu e unu terrinu perfetu echilibradu, terrinos climàticos. Ma, in perìodos de tempos geològicos, su clima puru càmbiat de forma naturale, sos tipos de tempos si modìficant e si passat dae unu clima a un àteru in sa matessi zona.
Su tempus e su clima tenent logu in s'atmosfera. Pro istudare unu clima est netzessària sa pompiadura durante un'arcu de tempus largu (mìnimu bìndighi annos). Sas pompiaduras de temperadura, trabentaduras, umidade e tipu de tempus si collint in sas istatziones meteorològicas. Cun custos datos s'elàborant taulas chi s'espressant in diagrammas ombrotèrmicos o climogrammas.
Bisogniat diferentziare sa climatologia dae sa meteorologia. Sas duas sièntzias tenent medas aspetos a cumone, ma non sunt pròpiu su matessi. Sa climatologia istudat su clima de unu logu o regione; in càmbiu, sa meteorologia istudat su tempus atmosfèricu.