Cuarteri

Custu artìculu est iscritu in sa grafia

logudoresa

. Abbàida sas àteras bariedades gràficas:

Su cuarteri, in s'àmbitu militare, ìnditat unu fraigu o unu cumparis orgànigu de fraigos e infraistruturas, destinados a s'aposentu, s'atividade e/o s'imparonzu de sas fortzas armadas e de sos corpos de polima, finas in sos perìodos in ue no isvilupant deretamente atividades operativas, si nono tareas de insajadura, e àteros incàrrigos chi pertocant zenerarmente sas finalidades istitussionales chi li sunt assinnadas.

Etimolozia

Sa teoria prus credibizada a pitzos de s'orìzine de su tèrmine “cuarteri” est chi derivet dae su latinu “quaterna”, cun su sinnìfigu de “aposentu destinadu a bator sordados”.

Istruturas

Su cuarteri presentat a s'avesu sos elementos materiales sighidores: unu o prus corpos de fàbriga ammanitzados comente aposentadorzu/dormidorzu; mandigadorzu cun eventuarmente coghinas e zonas de coghidura pro mandigares antisimpachetados: dispensadorzu (una casta de tzilleri/minimercadu pro sa tropa); tzìrculu de ufissiales e sutaufissiales; recreadorzu; insajadorzu; dominarieddu de cumandàntzia cun ufìssios currespondidores; muru de inghiriadura; miradorzos e caudebas; corpus de bàrdia; ambiente pro retzidura de ràdiu, telèfonu, eac. (sinzolamentos, eac.); pratza de armas; remunidorzu pro sos beìculos e àteros echipamentos destinados a finalidades istitussionales; depòsitos e anàlogos; infirmeria cun ambientes destinados a sas bìsitas mèdigas e aposentos de internamentu. In manera zenerale, pro unas cantas unidades militares ispetziales, che pro narrer sos pararutistas, est meda frechente sa presèntzia in su cuarteri de una turre de atrivimentu a su nessi, in ue si sìmulant fulliadas, apiligadas e àteras manobras tìpigas de su corpus.