Latinos (USA)
Articulu in nugoresu
Latinos est su faveddu chi ìnditat sos ispanoamericanos (est a nàrrer, sos chi bènint dae s'America Latina de limba ispagnòla e portughèsa) chi vìvent in sos Istados Unidos de America.
Sicundu a sas urtimas istìmas, sos latinos sunt unos 23 miliones; bi nde at de cada casta sotziale, ma sos ateros americanos los identificant a su sòlitu comente a sos ispanicos chi vìvent in sos cuartièris prus poveros de sas tzitades mannas, e chi favèddant pro su prus de sas bòrtas sa limba issoro. Sunt unu grupu etnicu de su totu, chi est oje creschènde semper de prus: in Miami, in Florida, su 45% de sa populassione sunt ispanicos, contra su 35% de àrbos e su 20% de nighèddos. Fìntzas in Los Angeles sos latinos sunt a puntu de bènner a majorìa etnica.
In sos ghettos metropolitanos, bi at meda abbolòtu tra ghèngas de latinos e afroamericanos. In Miami, in su 1988, sa bochidùra de unu pitzòccu nigheddu dae parte de unu pulitzòtu che at pesàu unu abbolòtu de sos afroamericanos contra a sos arbos e latinos. In su 1992 sos latinos, a pùstis chi bi at colàu s'uraganu Andrew, sunt istàos protagonistas de un'arrempèllu etnicu a chìrrios de Los Angeles.