Rosa Luxemburg

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Rosa Luxemburg Róża Luksemburg
Retratu
Nàschida	5 de martzu de su 1871 Zamość
Morte	15 de ghennàrgiu de su 1919 Berlinu
Natzionalidade	polaca, naturalizatzione tedesca
Tzitadinàntzia	tedesca
Genitores	Mama: Line Löwenstein Babbu: Eliasz Luksemburg
Còjube	Karl Liebknecht
Traballu	Filòsofa, economista, polìtica

Rosa Luxemburg, in polacu Róża Luksemburg (Zamość, 5 martzu 1871 – Berlinu, 15 ghennàrgiu 1919), est istada una filosofa, economista, polìtica e rivolutzionària polaca naturalizada tedesca.

Sustenidora fiera de su sotzialismu rivolutzionàriu e intre is printzipales teòricas de su marxismu consiliarista in Germània, in vida si fiat oposta cun fortza tantis a s'acostamentu polìticu moderadu e tendentzialmente revisionista de su Partidu Sotzialdemocràticu de Germània e de sa II Internatzionale (de is cales fiat istadu in longu un'esponente de importu mannu), comente a su tzentralismu democràticu difèndidu dae Lenin e, de cunsighèntzia, a s'assètiu rivolutzionàriu de is bolscevicos.

Aiat fundadu, cun Karl Liebknecht, sa Liga Spartachista, fiat istada protagonista in su ghennàrgiu de su 1919 de un'abolotu armadu contra de sa chi Repùblica de Weimar acabende de si costituire, in su cursu de sa cale issa e su matessi Liebknecht aiant pèrdidu tragicamente sa vida pro manu de is Freikorps (organizatziones paramilitares anti-comunistas, assùmidas dae su matessi guvernu sotzialdemocràticu tando a su pòdere pro pòdere reprìmere is rebeldes).