Aggittivi

Sta pàggina è òrfana, zzuè nun àvi lijami a tràsiri. Pi favuri, agghiunci na lijami a sta pàggina e scancella st'abbisu. Pâ lista cumpleta dî pàggini òrfani, vidi a pàggina dâ catigurìa.

Ntâ grammàtica cû tèrmini aggittivu si ntenni ddi palori chi si agghiùncinu ô sustantivu pi dàri na qualitati o nu attribbutu. P'asempiu: La casa bedda. Lu muru àutu.

Aggittivi Pusissivi

L'aggittivi pusissivi sunnu:

• Singulari:

  miu; mia

  tou; tua

  sou; sua

• Plurali:

  nostru

  vostru

  soi

St'aggittivi, a lu singulari si cuntràinu a mè, tò, sò.

St'aggittivi sunnu puru usati cu na pripusizzioni sìmprici o cumposta:

Iddu jòca cu la tò palla (o câ tò palla).

Aggittivi dimustrativi

• stu, sta, sti
• ssu, ssa, ssi
• ddu, dda, ddi

Aggittivi Quantitativi

L'aggittivi quantitativi ndìcanu quantitati:

• quantu, picca, troppu, tantu, abbastanti, assai

Diminutivu, Maggiurativu e Piggiurativu

Ntô Sicilianu ci sunnu certi modi di altirari la qualità o la quantità di un nomu o di n'aggittivu.

Lu diminutìvu

Pi spicificari quantitati o qualitati, fari quarcunu o quarchi cosa cchiù nichi o p'ammustrari affizzioni (vizziggiativu). Pi fari lu diminutivu si agghiùncinu li suffissi: iddu, eddu, uddu, teddu, ceddu, uzzu, a lu nomu o a ll'aggittivu:

Sèggia, siggitèdda

Màsculu, masculìddu

Pezzu, pizzùddu

piru, pirìddu

Soru, surùzza.

Lu maggiuratìvu

Pi spicificari puru quantitati o qualitati, nta stu casu aumentu di lu suggettu. Pi fari lu maggiurativu s'agghiunci lu suffissu uni a lu singulari e una a lu plurali di lu nomu o di l'aggittivu

Casa, casuni    

Manu, manuni   

Lu piggiuratìvu

Pi significari bruttizza. Pi fari lu piggiurativu s'agghiunci lu suffissu azzu (mascul.) o azza (fimmin.) a lu nomu o all'aggittivu, e tutti dui geniri finiscinu cu la i a lu plurali:  

Casa, casàzza

aceddu, aciddazzu  

Cumparativu e Assulutu

Lu cumparativu n Sicilianu si fa pi dui maneri:

• paragùni di qualitati, agghiuncennu n'avverbi:

  comu, tantu e quàntu  

• paragùni di quantitati, agghiuncennu l'avverbi:

  cchiù, menu.  

Certi cumparativi, fatti cu mègghiu o pèggiu, nun pìgghianu l'avverbu cchiù.

Lu supirlatìvu rilativu

Si forma agghiuncennu l'artìculu ditirminativu lu, la, li, a l'avverbu:

Li cchiù nichi

Lu cchiù forti. 

Lu supirlatìvu assulùtu

Si forma agghiuncennu lu suffissu ìssimu, ìssima, pi lu singulari e ìssimi pi lu plurali. Si pò puru furmari cu l'avverbi: assai e veru o lu suffissu: uni:

Binìssimu, Carìssimu, Assài lentu, Veru duci, Riccùni

N'autra forma di supirlatìvu assulùtu s'accucchia radduppiannu l'aggittivu (duci duci, riccu riccu) o l'avverbiu (forti forti, pianu pianu). Wikipedia:Grammatica