Carburanti
Nu carburanti è nu tipu di cummustìbbili ca havi la carattirìstica d'abbruciari pi sùbbitu ô staccu di na scintidda o 'n prisenza di na surgenti di caluri forti. Veni usatu di sòlitu ntô nurmali linguaggiu pi nnicari la sustanza ca ci duna enirgìa primària a na màchina tèrmica.
La palora nasci dô fattu ca quasi sempri la capacitati enirgètica dê cummustìbbili addipenni dô cuntribbutu dû carbòniu nun ammiscatu cu l' ussìgginu. Pô stissu mutivu, ntê muturi a scòppiu (non a iniezzioni) l'òrganu ca aggiuva p'addusari lu carburanti e l'ària di cummustioni pigghiau lu nomu di carburaturi.
