Frivaru 2006
| 2005 | Abbinimenti dû 2006 | 2007 |
|---|---|---|
| Jinnaru 2006 | Frivaru 2006 | Marzu 2006 | Aprili 2006 | Maiu 2006 | Giugnu 2006 | Giugnettu 2006 | Austu 2006 | Sittèmmiru 2006 | Uttùviru 2006 | Nuvèmmiru 2006 | Dicèmmiru 2006 | ||
3 di frivaru, venniridìa
- Mari Russu - Na navi cu 1400 pirsuni, n viaggiu tra l'Arabbia Saudita e l'Egittu e chi traspurtava genti chi vinèvunu dû pellegrinaggiu â Mecca affunna. Pari ca li supèrstiti sunnu sulu quarchi dicina.
5 di frivaru, duminicadìa
- Lìbbanu - Doppu li prutesti in Siria, n'àutra prutesta ntê strati di Beirut contra li giurnali danisi ca pubblicaru caricaturi irònici supra Maumettu: li manifistanti abbruciaru l'ammasciata danisi.
10 di frivaru, venniridìa
- Torinu - Cuminzanu oi li Jòcura Olìmpici nvirnali. Li riflittura di tuttu lu munnu sunnu puntati supra l'Alpi.
- Roma - Oi ricurri la "Jurnata dû ricordu", 'n mimoria di li migghiara di màrtiri taliani di li fòibbi, ammazzati dî cumunisti cumannati dû ginirali juguslavu Titu, a la fini di la secunna guerra munniali.
11 di frivaru, sabbatudìa
- Tonga:Lu primu ministru, Lavaka Ata 'Ulukalala, si ritira e Feleti Sevele addiventa lu primu nun nòbbili ncàrricu.
- Roma - Lu virus dâ nfluenza aviaria arrivau in Italia. Na pocu di cigni migratura mureru in Sicilia, Calabbria e Pugghia a causa dû virus H5N1.
12 di frivaru, duminicadìa
- Turinu - Prima midagghia d'oru pi l'Italia ntê Jòcura Olìmpici Nvirnali: Armin Zoeggeler vincìu la prova di lu slittinu.
15 di frivaru, mercuridìa
- Pariggi- Jacques Chirac dicìsi di urdinari la marcia narrèri dâ portaerei Clemenceau. Distinata a essiri smuntata di l'India, n cunnizzioni di sicurizza assai scarsi, la portaerei havi a riturnari n Francia, unni lu smantellamentu è sicuru. Si tratta di na vittoria mpurtanti pi lu muvumentu ecologgista Greenpeace.
16 di frivaru, jovidìa
- Filippini - Na valanca di fancu distrùi nu paisi e fa circa 1400 morti, tra cui li 250 picciriddi di na scola elementari.
18 di frivaru, sabbatudìa
- Roma - Lu ministru talianu Calderoli, chi s'avìa misu na cammisa cu li disigni di Maumettu, appi a lassari lu sò postu ntô Cuvernu, doppu li prutesti di la genti di Bengasi, chi vulìa tràsiri nta lu cunzulatu talianu, finuti cu 11 morti.
21 di frivaru, martidìa
- Nova York - Lu Metropolitan Museum of Art e lu cuvernu talianu s'accòrdanu pû rimpatriu d'oggetti d'antiquitati. Tanti vìnniru arrubbati dâ Sicilia e sunnu oggetti prizziusi di l'èbbica greca, di versu lu sèculu V a.C..
23 di frivaru, jovidìa
- Palermu - La squatra dû Palermu vincìu pi 1 a 0, cu nu gol di Godeas, lu Slavia Praga e si qualificau pi l'ottavi di finali di la Coppa UEFA, unni attrova la vincenti dâ partita di stasira Espanyol-Schalke 04.
25 di frivaru, sabbatudìa
- Pariggi - Lu virus H5N1 stirminau n'addivamentu di gaddi d'innia ntâ Francia centru-orientali. È lu primu casu 'n Europa di cuntaggiu ntra armali nun sarvaggî.
27 di frivaru, lunidìa
- Sanremu - Accuminza lu 56o Festival dâ canzuni italiana.
28 di frivaru, martidìa
- Berlinu - Pi la prima vota in Europa, lu virus H5N1 accumparìu nta un mammìfiru: un gattu attruvatu mortu nta l'ìsula di Ruegen, nta lu Mari Bàlticu, unni s'avìanu avutu varî casi di aceddi nfittati di lu virus aviariu.