Nòbbili, eppi comu pricitturi patri Franciscu Balducci. Avìa nu granni ngegnu, studiusu di cchiossai discipprini: filosufìa, tioluggìa, astronumìa, midicina, chìmica, puisìa e mùsica. Si lauriau n giurisprudenza a lu Stùdiu di Roma lu 14 di aprili1635 e fici parti di l'Accadèmia di li Accesi di Palermu. Dû sinatu di Palermu vinni eliggiutu pàrrucu di Santu Niculò la Kalsa; appi assai ncàrichi: diputatu dû regnu dû 1639 ô 1642, vicàriu ginirali dâ diòcisi di Mazara, rìggiu cappiddanu, abbati di S. Cruci e vìscuvu di Patti.
Li sò òpiri: “Rime” e “Canzoni siciliane”. Lassau manuscritti li “Poemetti vari”; “Tragedia della passione di nostro Signore”; “Lezioni di Filosofia”; “Orazione funebre nella morte di Giannettino Doria”.
