Tarom
|
Sta pàggina è òrfana, zzuè nun àvi lijami a tràsiri.
Pi favuri, agghiunci na lijami a sta pàggina e scancella st'abbisu. |
Tarom è a cumpagnìa aèria officiari dû trasportu passiggeri nterni e ntirnazziunali dâ Rumania.
Sturia
[cancia | cancia la surgenti]Tarom fu criata ntô 1920 ccâ "C.F.R.N.A." (a "Cumpagnìa Franco Rumena ppâ Navigazzioni Aèria"; n rumenu: "Compania Franco-Română Pentru Navigație Aeriană" e n francisi: "Compagnie Franco-Roumaine pour la Navigation Aérienne"). A cumpagnìa utilizzàu apparecchi francisi POTEZ ppû trasportu dî viaggiatura, merci e a posta, dî Pariggi a Bucarest, via assai citati d'Europa.
Ntô 1925, a citati di Galați addivintàu a prima distinazzioni nazziunali dâ cumpagnìa, mentri ntô 1926, u nomu dâ cumpagnìa canciàu nta "C.I.D.N.A." ("Cumpagnìa Ntirnazziunali di Navigazzioni Aèria"; n ruminu: "Compania Internaţională De Navigație Aeriană").
Ntô 1930 u nomu canciàu n'àutra vota nta "LARES" ("Lìnii Aèrii Rumeni dû Statu"; n rumenu: "Liniile Aeriene Române Exploatate de Stat"), e ntô 1937, LARES funziunàu ccû sô principari avversaru "SARTA" ("Sucitati Rumena di Trasporti Aèrii"; n rumenu: "Societatea Română de Transporturi Aeriene").
Lu 18 di sittèmmiru 1954, a cumpagnìa pigghiàu lu nomu di Tarom (Transporturi Aeriene ROMâne - "Trasporti Aèrii Rumeni").[1] Ntô 1974, Tarom accuminzàu a volari versu Nova York e l'Australia, attirrannu a Sydney via Calcutta.
Ntê 1980ini, essennu a Rumania dintra u Bloccu di l'Est fu furzata a accattari apparecchi suviètici. Doppu lu 1991, Tarom accattàu apparecchi di custruzzioni occidintari.
Oggi, Tarom è una dî cumpagnìi dû Bloccu di l'Est ca riuscìu megghiu ccû vantaggiu ca si canciàu li apparecchi vecchi. La sô flotta è cumposta di 5 Boeing 737-300, 4 Boeing 737-700, 2 Airbus A310-325, e 7 ATR 42-500. Accattàu macari 4 Airbus A318-100 ca ja a aviri ô nizziu dû 2006.
Lu 31 di marzu 1995 ci fu l'accidenti cchiù mpurtanti dâ Tarom. Un Airbus A310 ca dicullàu di Bucarest Otopeni ppi l'ariuportu di Bruxelles si schiantàu sùbbiu doppu lu dicollu e ci murèru tutti li 60 pirsuni a bordu.
Tarom è prisinti suprattuttu ntê ariuporti di Bucarest (Aeroportul Internațional București Otopeni [OTP]), di Timișoara (Aeroportul Internațional Timișoara Traian Vuia [TSR]) e chiddu di Cluj-Napoca (Aeroportul Internațional Cluj-Napoca [CLJ]) (n òrdini di tràfficu dî passiggeri).
Dû 2006 Tarom ja a essiri membru dû gruppu aèriu Skyteam ccu cumpagnìi comu Air France e Alitalia pp'asempiu.
Culligamentu esternu
[cancia | cancia la surgenti]
Rifirimenti: ro:Tarom e en:Tarom
- ↑ Nicolae Balotescu et al., Istoria Aviației Române, Bùcarest, Editura Științifică și Pedagogică, 1984, pp. 440.