Freddie Mercury

Freddie Mercury
Mercury performin in New Haven, Connecticut, in 1977 wi Queen
Born	Farrokh Bulsara 5 September 1946(1946-09-05) Stone Town, Sultanate o Zanzibar (nou Tanzanie)
Dee'd	24 November 1991(1991-11-24) (aged 45) Kensington, Lunnon, Ingland
Cause o daith	Bronchopneumonia (brocht on bi AIDS)
Naitionality	Breetish
Ither names	Freddie Bulsara
Eddication	St. Peter's Boys School
Alma mater	Isleworth Polytechnic College Ealing Art College
Thrift	Singer-songwriter record producer
Years active	1969–1991
Releegion	Zoroastrianism
Pairtner(s)	Mary Austin (1970–76) Jim Hutton (1985–91)
Muisical career
Genres	Rock
Instruments	Vocals piano keyboards guitar
Labels	Columbia Polydor EMI Parlophone Hollywood
Associate acts	Queen Larry Lurex Ibex / Wreckage Sour Milk Sea Montserrat Caballé
Signatur

Freddie Mercury (born Farrokh Bulsara; 5 September 1946 – 24 November 1991) wis a Breetish sangster, sangwriter an record producer, kent as the lead vocalist an co-principal sangwriter o the rock baund Queen. He becam kent for his flamboyant stage persona an fower-octave vocal range an aa. Mercury wrate an componed numerous hits for Queen (includin "Bohemian Rhapsody", "Killer Queen", "Somebody to Love", "Don't Stop Me Now", "Crazy Little Thing Called Love", an "We Are the Champions"); occasionally serrt as a producer an guest muisicker (piano or vocals) for ither artists; an concurrently led a solo career whiles performin wi Queen.

Mercury wis born o Parsi strynd in the Sultanate o Zanzibar an grew up thare an in Indie till his mid-teens, afore flittin wi his faimily tae Middlesex, Ingland — ultimately formin the baund Queen in 1970 wi Brian May an Roger Taylor. Mercury dee'd in 1991 at age 45 due tae complications frae AIDS, haein confirmt the day afore his daith that he haed contractit the disease.

In 1992, Mercury wis posthumously awairdit the Brit Awaird for Ootstaundin Contreibution tae Breetish Music, an haed a tribute concert haudit at Wembley Stadium, Lunnon. As a member o Queen, he wis inducted intae the Rock and Roll Hall of Fame in 2001, the Songwriters Hall of Fame in 2003, the UK Music Hall of Fame in 2004, an the baund received a starn on the Hollywood Walk of Fame in 2002. In 2002, he wis placed at nummer 58 in the BBC's poll o the 100 Greatest Britons. Conseestently votit ane o the greatest sangsters in the history o popular muisic, Mercury wis votit best male sangster o aw time in a 2005 poll organised bi Blender an MTV2; wis eleckit in 2009 as the best rock sangster o aw time bi Classic Rock readers; wis ranked at 18 on the 2008 Rolling Stone leet o the 100 greatest sangsters iver; — an wis descrieved by Greg Prato o AllMusic as "ane o rock's greatest aw-time enterteeners," wi "ane o the greatest vyces in aw o muisic."