Brahuigiella
Brahuigiella
بروہی | |
|---|---|
| Klassifiseren |
Dravidalaš gielat Davvedravidalaš gielat Brahuigiella |
| Geavaheapmi | |
| Guovlu | Pakistan, Afganistan, Iran, Turkmenistan |
| Hubmiid mearri | 2,2 miljovnna (Ethnologue 2005) |
| Alfabehta | Persialaš alfabehta, odne maid latiinnalaš alfabehta |
| Virggálaš stáhtus | |
| Virggálaš giella | Pakistan |
| Giellakodat | |
| ISO 639-3 | brh |
Brahuigiella lea dravidalaš giella mii hupmojuvvo oarje- ja lulliguovlluin Pakistanis, ja Afganistanis, Iranis ja Turkmenistanis lahka Pakistana ráji. Brahuigiela deháleamos hupmanguovlu lea oarjin ja lullin Pakistanis, lahka Kalat ja Quetta gávpogiid. Giella lea áidna dravidalaš giella man guovddáš hupmanguovlu lea Lulli-India dahje Sri Lanka olggobealde. Giela hupmet badjelaš guokte miljovnna olbmo.
Giela hupmet brahuit. Sis ii leat leamaš oktavuohta eará dravidalaš gielaid hupmiin máŋgga jahkečuohtái, ja nu leat sin kultuvrii váikkuhan garrasit guovllu eará kultuvrrat. Boađusin leat gielas máŋggat loatnasánit balutšigielas, sindhigielas ja persiagielas. Máŋggat brahuigiela hupmit leat máŋggagielagat, ja oassi ovddeš hupmiin leat álgán hupmat balutši- dahje persiagiela.
Brahuigiella čállo persialaš alfabehtain, ja odne maid latiinnalaš alfabehtain. Dušše unna oasáš brahuigiela hupmiin máhttet lohkat, ja vuollel 1 % sis máhttet čállit brahuigiela.
Olggobeal liŋkkat
[rievdat | rievdat wikiteavsttain]- Brahuigiella UCLA neahttabáikkis
- Brahuigiella Ethnologue neahttabáikkis