Giron (loddi)
Giron (Lagopus muta) lea meahccevuoncceslottiid čerdii gullevaš loddi. Giron eallá árktalaš guovlluin ja duoddariin, ja dan dolggit girdet hui galbmasa. Dat orrot iežaset ruovttuguovllus birra jagi.
Goappašat sohkabealit leat sullii seamma stuorit. Rávis loddi deaddá 400-500 g, ja lea sullii 35 cm guhkkosaš.
Giron eallá Suoma ja Ruoŧa davimus duoddariin, Norgga váriin miehtá riikka, Eurásia ja Davvi-Amerihká davviosiin, Islánddas, Ruonáeatnamis ja Jiekŋaábi sulluin, ee. Svalbárddas ja Bjørnøyas. Dasa lassin Álppain ja Pyrenain leat gironat. Olles máilmmi populašuvdna lea sullii 8,2 miljovnna (IUCN).