Anglu-Ṣakṣun
Anglu-Ṣakṣun (S tnglizit: Anglo-Saxons) gan yan urabbu n ijirmaniyn lli ggʷiznin ɣ ma iga ɣ wass-ad "Angliz", ayad ɣ gr tasut tis IV d V n tlalit, arabbu-ad gis kṛaḍt n tqbilin ism asnt Inglizn d Iṣakṣunen d Ijutziyn kkant kra n mani ɣ Uruppa (Agafay n lalman, d Ḍḍanmark). [1]
Ar ittals umiy is d yan ugllid Abṛiṭani ism as Vurtigrn iɣra i tqbilin-ad n Yijrmaniyn afad ad as awsnt ɣ uzbdr mgal uslak n Iṣkuṭiyn (Ṣkuṭṭ) i tmazirt nns, macc amqqun-ad n tqbilin ibṛṛm fllas aylliɣ sul ikka f tmazirt n ibṛiṭaniyn, ɣ tigira n tasut 5, milnt (ẓḍaṛnt) tiqbilin-ad ad kullu sdurrint iffus d usammr n tgzirt n Bṛiṭanya, ssntint ad ɣinn skrn tiglday nnsnt lli lkmnin sat ɣ tizwiri.[1]
Ɣ tigira n tasut tis tamt, akkʷ tiglday-lli rad ẓuḍṛnt i uslak n Ivayking da kkanin aḍḍanmark, Wissiks waḥdu tn ad injmn ddu tnbaḍt n ugllid "Alfriḍ" da yumẓn tiɣrmt n Lunḍun d tiyyaḍ d lli mi rad ẓḍaṛn tarwa ad sul nrun Ivayking d ad cckcmn ikalln nnsn s tgldit nnsn.[1]
Tagldit-ad tamaynut tabarawt ism as "Ingland" ifkan anamk n "wakal n Inglizn" niɣ d "tamazirt n inglizn".
Ingluṣakṣunen rad fln yan iḍiṣ mqqurn ɣ tutlayt Tanglizit, ɣ tjṛṛumt nns ula ɣ umawal nns.[1]