Idruzn
Yamu ɣ | Levantines ![]() |
---|---|
Ism s tutlayt taymmat | موحدون دروز ![]() |
Langue maternelle | taɛrabt, Druze Arabic ![]() |
Asgd d tnbaḍt ɣ ddunit | Druzism ![]() |
Acnyal | Druze flag ![]() |
Diaspora | Aide:Référence nécessaire ![]() |
Madhhab | ismaélisme ![]() |
Idruzn (s Tɛrabt: دَرْزِيّ, Darzī niɣ d دُرْزِيّ durzī, s umagut: دُرُوز, durūz) ar ttinin f ixfawn nnsn al-Muwaḥḥidūn (s unamk: 'imuḥdiyn' niɣ d 'imyann'). Nttni gan yat tgrumma tasgdant tufrint d tɛrabt [21][22][23][24] illan ɣ wasya tutrimt, flsn mddn nns s usgd adruz igan yan uɣal abṛayyim d win yan wakuc, mi biddnt trsal nns f tmyanit n Rbbi d wallas n tudrt dffr tamttant, d uɣllel n iman.[25][26][27][28]
Mqqar d ikka uɣal n idruzn ɣaylli mi ttinin Tasmaɛilit, idruzn ur ar ttmnadn iguyya nnsn is gan imuslmn [29] Umẓn ɣ tutlayt Taɛrabt, d tdlsa nns lli ganin darsn yan ugzzum ikcmn ɣ tmagit nnsn, taggat n umudn n idurzn ɣaman ntln, d ummutti ɣr asgd nnsn ur izgir i imzzan, littihal d idsn dɣ ntta idwa (idrus nit) d ur igi kra icwan darsn, ar skarn anuḥyu ngr wanna yumẓn ɣ israrn nnsn ar as ttinin "Ɛuqqal", d wanna igan alayki yiwi tt ɣ tɣawsiwin n ddunit ar as ttinin "Juhhal".[37]
Adlis n tajjult iga adlis ursil d umzwaru ɣ taflst n idruzn, taflst ad tkka d zwar Tasmaɛilit (yan usaka ɣ lislam aciɛi)[40] yaɣ t iḍiṣ n yat tgrgurt iflin n tɣarasin yaḍnin zun d tamasiḥit d tɣnusit d unyuflaṭunt d tzradact d tmanawit d usgd aqbur n igrikn d tbabilit d kra n isgdan yaḍnin n tmazirt n gr isaffn.
Idruzn gan isr Cuɛayb f iggi n tiṭ nnsn, ɣaln is iga yan d Itrun da ibdr linjil,ar ttmnadn ɣ Adam, Nuḥ, Brayyim, Musa, Ɛisa, Muḥmmad, d Limam Ismaɛili Muḥammad u Ismaɛil gan asarn.[46] Idruzn ar daɣ ssmɣurn ula Salman Afarisi,[47] Xḍṛ (da ɣ ttannin is iga Ilyas, ilul d tiklit yaḍni d iḥya d ugrram jurj),[48] Yuba d Luka, d wiyyaḍ zun d "imajjuln" d "wasarn".[55]
Idruzn gan yat sɣ tgrummawin mqqurnin ɣ tmnaḍt n Ccam, llan gr 800,000 d yan umlyun n imḍfaṛn. Ar tn bahra nttafa ɣ Lubnan d Surya d Iẓṛayl, ilin kra n tmsmunin mẓẓiynin ɣ Urdun. Gan 5.5% sɣ imzdaɣn akkʷ n Lubnan, 3% ɣ Surya d 1.6% Iẓṛayl. Tagrumma n Idruzn lli akkʷ indin d tada imdurrin tlla ɣ udrar n Lubnan d ɣ iffus n Surya ɣ imisi n jabal al-Druze ("Adrar n Idruzn").[56]
Tagrumma n Idruzn thḍṛ yat tilalt tamrnut ɣ igitn n umzruy n Ccam, ar sul gis tettamẓ yat taɣamt iggutn ɣ tsga tasrtant.[53] Lliɣ gan yat tgrumma imẓẓiyn mnidn mnck n ttwal asrfufn sɣ dar yan mnnaw n imnbaḍn imuslmn, ikcm gisn ula tattmmawt tuslimt n ɣikkad.[54][55][56]
Aẓuṛ n yism
[ssnfl | Snfl asagm]Ism n Idruzn ikka d ism n Muḥammad u Smaɛil Nactakin Adarazi (sɣ tfarsit *darzi*, "Axyyaḍ / Amgnaw") ikka tt inn iga yan ṭṭalb n zikk. Mqqar ar ttinin Idruzn is iga Adarazi yan bu ibaḍan, ar sul ittyawsmras ism ad afad ad tn ssnn mddn, irwas is d ifnatn nnsn ad asn izdin ism ad bac ad asn sɣin gar tisillit illan dar Adarazi.