කුබුන්ටු

කුබුන්ටු

Kubuntu 11.04 "Natty Narwhal"
විකාශකයා	Canonical Ltd. and community contributors
OS පවුල	Unix-like (variant of Ubuntu)
Working state	Current
මූලාශ්‍ර ආකෘතිය	Free and open source software
Initial release	2005 අප්‍රියෙල් 8
Latest release	11.04 (Natty Narwhal) / අප්‍රේල් 28, 2011 (2011-04-28)
ලබා ගත හැක්කේ	Multilingual (more than 55)
Update method	PackageKit and/or APT
Package manager	dpkg (Debian GNU/Linux Package Manager)
Platforms	IA-32, x86-64, lpia, SPARC, PowerPC, ARM, IA-64
Kernel type	Monolithic Linux kernel
Userland	GNU
Default user interface	KDE Plasma Desktop
License	Various, primarily the GNU GPL and GFDL
Official website	www.kubuntu.org

කුබුන්ටු යනු මූලික උබුන්ටු මෙහෙයුම් පද්ධතියෙන් බෙදී ගිය මෙහෙයුම් පද්ධතියකි. මෙහි ජීනෝම් චිත්‍රක පරිශීලකය වෙනුවට කේඩීඊ චිත්‍රක පරිශීලක පරිසරය යොදාගෙන ඇත. මෙය උබුන්ටු ව්‍යාපෘතියේම කොටසක් වන අතර උබුන්ටු හී යොදාගෙන ඇති මෙහෙයුම් පද්ධති ආකෘතියම යොදාගෙන ඇත. මෙම උබුන්ටු සහ කුබුන්ටු යන මෙහෙයුම් පද්ධති දෙකම එකම පරිගණකයක ස්ථාපනය කර ගැනීමෙන් මාරුවෙන් මාරුවට භාවිතා කළ හැකිය. උබුන්ටු මෙන්ම කුබුන්ටු සඳහා ඳ එකම ගොනු එකතුවක් භාවිතා කරයි.

නාමය

කුබුන්ටු යන නාමය පද දෙකක එකතුවක් ලෙස (K + Ubuntu )දැක්විය හැකිය. කේ මගින් කුබුන්ටු හී භාවිතා වන කේ චිත්‍රක පරිශීලක පරිසරය නිරූපනය වන අතර උබුන්ටු යන්නෙහි අරුත අන් අයට මානුෂිකත්වය ලෙස සරලව දැක්විය හැකිය. කුබුන්ටු යන්නෙහි තවත් අරුතක් ලෙස නොමිලේ යන්න දැක්විය හැකිය.

කුබුන්ටු සහ උබුන්ටු අතර වෙනස

සාමානයයෙන් උබුන්ටු පරිගණකය තුල ස්ථාපනය කිරීමේදී ජිනෝම් වැඩතලය හා GTK+/ජිනෝම් වැඩසටහන් සහ ගොනු (උදාහරණ : Evolution) සහ GTK+/ජිනෝම් පරිපාලක මෙවලම් (උදාහරණ :Synaptic package manager) භාවිතා කරයි. ඒ හා සැසදීමේ දී කුබුන්ටු පරිගනකය තුල ස්ථාපනය කිරීමේදී කේඩීඊ වැඩතලය කේඩීඊ/Qt වැඩසටහන් සහ ගොනු (උදාහරණ : Kontact) කේඩීඊ/Qt පරිපාලක මෙවලම් භාවිතා කරයි. කුබුන්ටු භාවිතා කරන්නන්ට පහසුවෙන් උබුන්ටු ගොනු එකතුවල ඇති ගොනුවක් ස්ථාපනය කර ගැනීමට සහ භාවිත කිරීමට හැකි අතර උබුන්ටු භාවිතා කරන්නන්ට පහසුවෙන් කේඩීඊ/Qt ගොනු ස්ථාපනය කරගැනීමට හා භාවිතා කිරීමට හැකිය. බෝහෝ දෙනෙක් ප්‍රථමයෙන් උබුන්ටු ස්ථාපනය කර පසුව කේඩීඊ එයට එකතු කරන අතර නැතහොත් සම්පූර්ණ කුබුන්ටු වැඩතල පාර-වැඩසටහන් උබුන්ටු මත ස්ථාපනය කරගනු ලබයි.( කෙසේ වූවත් ජීනෝම් සහ කේඩීඊ යන වැඩතලයන් දෙකම පරිගණකයේ ස්ථාපනය කිරීම නිසා වැඩි මතක ධාරිතවයක් සහ ගබඩා ධාරිතාවයක් අවශ්‍ය විය හැකිය. )

කුබුන්ටු හී වැඩතලය සම්පූර්ණයෙන්ම පාහේ වෙනස් කර ඇත. කුබුන්ටු හී වැඩතලය නිමවා ඇත්තේ අනෙකුත් මෙහෙයුම් පද්ධති වල (උදාහරණ : මයිකේ‍රාසොෆ් ට් වින්ඩෝස් ) වැඩතලයන් හී පිරිසැලසුමට අනුකූලව බැවින් භාවිතා කරන්නාට පහසුවෙන් කුබුන්ටු වලට මාරුවිය හැකිය. කුබුන්ටු හී අනෙකුත් මෙහෙයුම් පද්ධති හා සමානවම වැඩ සටහන් සපයා ඇති අතර අනෙකුත් මෙහෙයුම් පද්ධති වල දැකිය නොහැකි වැඩසටහන් ද දැකිය හැකිය. සම්මත කේඩීඊ4 ස්ථාපනය සමග ත්‍රිමාන පෙනීමද ලබා ගත හැකිය.

ගැලරිය

කුබුන්ටු 9.04 හී වැඩතලයෙහි ත්‍රිමාන පෙනුම.

• 
  කුබුන්ටු 9.04
• 
  කුබුන්ටු 8.10
• 
  කුබුන්ටු 8.04

නිකුත් කිරීම්

කුබුන්ටු සහ උබුන්ටු යන දෙකම එකම නාම සහ අනුවාද පද්ධතිය භාවිතා කරයි. සෑම නිකුතුවකටම කේත නාමයක් සහ අනුවාද අංකයක් ඇති අතර එය අදාල නිකුත් කිරීම කරනු ලබන වර්ෂය සහ මාසය මත රදා පවතී. කුබුන්ටු සඳහා නිකුත් කළ දින සිට මාස 18 කාලයක් සඳහා සහාය සහ යාවත්කාලීන කිරීම් ලබාදේ.

වර්ණය	Meaning
රතු	පරණ නිකුතුවකි; සහාය නොමැත.
කහ	පරණ නිකුතුවකි; තවමත් සහාය ඇත.
කොල	වර්තමන නිකුතුව
නිල්	අනාගත නිකුතුව

අනුවාදය	නිකුත් කළ දිනය	කේත නාමය	සහාය අත්හිටවන දිනය	සටහන
5.04	2005-04-08	Hoary Hedgehog	2006-10-31	ආරම්භක නිකුතුවයි. මෙහි කේඩීඊ 3.4 සහ තෝරාගත් වඩා වැදගත් කේඩීඊ වැඩසටහන් අන්තර්ගතය. මේවයින් සමහර ඒව නිල කේඩීඊ නිකුතුවෙහි අන්තර්ගත නොවුණි. ඒවා අතර Amarok,kaffeine,Gwenview සහ k3b විය.
5.10	2005-10-13	Breezy Badger	2007-04-13	කේඩීඊ 3.4.3 සහ මඟපෙන්වීමේ වින්‍යාස මෙවලම් සහිතය. OEM ස්ථාපකයේ සහාය සහිතය. මෙහි Adept ගොනු කළමණාකරණ මෙවලම හදූන්වා දෙන ලදී. ප්‍රගති දර්ශකයක් සහිත චිත්‍රක අරඹනයක් සහිතය.
6.06 LTS සංරක්ෂණය කළ පිටපත 2008-12-24 at the Wayback Machine	2006-06-01	Dapper Drake	2009-06	දිගුකාලීන සහාය සහිත නිකුතුවකි. සජීව සංගත තැටිය සහ ස්ථාපකය එකම තැටියක අන්තර්ගත කර ඇත. මෙය ආසියනු භාෂා සඳහා හොඳ සහායක් දක්වයි. මෙය ජාල මෘදුකාංගයකි.
6.10	2006-10-26	Edgy Eft	2008-04	කේඩීඊ 3.5.5. අන්තර්ගතය. මෙම නිකුතුවට ජායාරූප කළමණාකරණ වැඩසටහන් සහ පිවිසීමේදී භාවිතා කරන්නා හදූනා ගැනීම අන්තර්ගත කර ඇත. ජව සැපයුම කළමණාකරණ සහ ජාලකරණය වැඩිදියූණූ කර ඇත.
7.04 සංරක්ෂණය කළ පිටපත 2008-10-04 at the Wayback Machine	2007-04-19	Feisty Fawn	2008-10	කේඩීඊ 3.5.6;සංක්‍රමණයවීමේ සහායකයෙක් සපයා ඇත. ; කර්නලය පාදක කරගත් අතථ්‍ය යන්ත්‍රය ;පහසුවෙන් මෘදුකාංග ස්ථාපනය කරගත හැක. ; පද්ධති සිටුවම සාමාන්‍ය සහ අධි ලෙස වර්ග කර ඇත. ; Wi-Fi වලට සහාය දක්වයි.
7.10 සංරක්ෂණය කළ පිටපත 2008-12-29 at the Wayback Machine	2007-10-18	Gutsy Gibbon	2009-04-18	නව පසුතලයක් එක් කර ඇත. පළමුවරට ධාවක කළමණාකරණ මෘදුකාංගයක් එක් කර ඇත.
8.04  සංරක්ෂණය කළ පිටපත 2009-01-23 at the Wayback Machine	2008-04-24	Hardy Heron	2009-10	මෙහි අනුවාද කේඩීඊ 3.5 සහ කේඩීඊ 4.0 දෙකම අන්තර්ගත කර ඇත.
8.10 සංරක්ෂණය කළ පිටපත 2015-07-03 at the Wayback Machine	2008-10-30	Intrepid Ibex	2010-04	කේඩීඊ 4.1.2 වැඩතල පරිසරයෙන් පෙරනිමිය. ,කර්නලය 2.6.27, Xserver 1.5, KWin වැඩතලයෙහි ත්‍රිමාන පෙනුම සහිතව පෙරනිමිය , විවිධ මෙවලම් අන්තර්ගතය.
9.04	2009-04-23	Jaunty Jackalope	2010-10	කේඩීඊ 4.2.2 වැඩතල පරිසරයෙන් පෙරනිමිය, කර්නලය 2.6.28, Xserver 1.6
9.10	2009-10-29	Karmic Koala	2011-04	කේඩීඊ 4.3.2 වැඩතල පරිසරයෙන් පෙරනිමිය,GRUB 2.
10.04 LTS	2010-04-29	Lucid Lynx	2013-04	දිගුකාලීන සහාය සහිත නිකුතුවකි. යාවත්කාලීන කිරීම් වැඩතල පරිගණක සඳහා වසර තුනක් ද සේවාදායක පරිගණක සඳහා වසර පහක් ද ලබා දේ. අනුවාද 10.04 සඳහා වූ උබුන්ටු සමුළුවෙන් පසුව නිකුත් කෙරේ. ( 20 නොවැම්බර් 2009 ට පසු )

පද්ධති අවශ්‍යතා

වර්තමානයේ දී කුබුන්ටු වැඩතල අනුවාදය Intel x86 සහ AMD64 ආකෘති වලට අනුව ලබා ගත හැකිය. තවද සමහර නිකුතු SPARC ආකෘතිය, PowerPC, IA-64(Itanium) සහ PlayStation3 ආකෘතියටද අනුව ලබා ගත හැකිය. උබුන්ටු හී ඕනෑම අනුවාදයක කුබුන්ටු අනුවාදය ද ලබා ගත හැකිය.

කුබුන්ටු ස්ථාපනය සඳහා අවශ්‍ය අවම පද්ධති අවශ්‍යතා පහත දැක්වේ.

	වැඩතල සහ ලැප්ටොප්		සේවාදායක පරිගණක
	අවශ්‍ය කරන	නිර්දේශ කරන
සකසනය	300 MHz (x86)	700 MHz (x86)	300 MHz (x86)
මතකය	64 MB	384 MB	64 MB
දෘඩ තැටි ධාරිතාවය	4 GB	8 GB	500 MB
වීඩියෝ කාඩ්	VGA @ 640x480	VGA @ 1024x768	VGA @ 640x480