Portugal

Portugal, virgálávt Portugal täsiväldi (portugalkielân República Portuguesa), lii staatâ Euroopist. Ton uáivikaavpug lii Lissabon.

Portugal täsiväldi República Portuguesa (portugalkielân)
lippu	vaakun
Staatâhäämi	täsiväldi
President	Marcelo Rebelo de Sousa
Uáiviminister	António Costa
Uáivikaavpug	Lissabon
Eres kaavpugeh	Porto, Coimbra, Funchal
Vijđodâh	92 212 km²
– sisčääci	1,2 %
Ässeeloho (2019)	10 295 909
– ässeesaahâdvuotâ	114,5 ässed/km²
Virgáliih kielah	portugalkielâ
Vaaluut	euro (EUR)
Äigi	UTC
– kesiäigi	UTC+1
Uánádâs	PT
– fiävruin	P
– kirdemmašinijn	CS
Jotolâh	uálgispiälásâš
Sundenummeer	+351
Internet TLD	.pt
Motto	ij lah
Aalmuglâšlaavlâ	A Portuguesa

Historjá

Portugalist lii kuhes historjá. Maaŋgah aalmugeh láá aassâm Portugalist (ibereh, tartessoliih, kelteh, foinikialiih, kartagoliih, kreikkaliih, roomaliih, germaanliih, egyptliih, seemiliih já maureh). Nommâ "Portugal" šadda noomâst Portus Cale ađai "mučis haammân". Portugalist láá lamaš meid maaŋgah sirdoenâmeh ovdâmerkkân Brasilia, Angola, Mosambik, Kap Verde já Goa Indiast. Portugal vuobdij suulân 4 650 000 uárjid Brasilian. Majemuš sirdoeennâm lâi ive 1999 räi Macao.

Portugal lii kuullâm Euroop unionân ive 1986 rääjist.

Eennâmtiätu

Sajadâh já rääjih

Portugal lii staatâ maadâ-Euroopist. Ton áinoo naaburstaatâ lii nuorttân já tavveen Espanja. Staatâ máddáá- já uárjáábeln lii Atlant väldimeerâ.

Suolluuh

Portugalist láá kyehti suáluikuávlu: Azoreh já Madeira. Sevagensuolluuh kuleh Madeiran.

Jäävrih já juuvah

Portugalist láá love juuhhâd. Kuhemus juuhâ lii Tajo. Tot lii 1 038 kilomeetterid kukke.

Morfologia

Portugal alemus saje lii Ponta do Pico (2 351 m), mii lii Azorijn.

Šoŋŋâdâh

Portugal šoŋŋâdâh lii viehâ liegâs já njuoskâs. 35,4 prosentid Portugalist lii mecci já 32 prosentid lii sino. Piälduh láá 24 prosentid.

Haldâttâh já politiik

Portugalist lii president, já parlamentist láá 230 aalmugovdâsteijed.

Ekonomia

Portugal lii moodeern já demokraatlâš ráhtulâšvuotâstaatâ. Portugal lii uárji-Euroop kievhimus staatâ. Mađhâšem lii tehálâš toimâsyergi.

Viehâdâh

Ässeeloho

Portugalist ääsih suulân love miljovn olmožid. Täin sullân kyehti miljovn olmožid ääsih staatâ uáivikaavpugist Lissabonist. Eres teháliih kaavpugeh láá Porto, Amadora já Braga.

Kulttuur

Valastâllâm

Jyelgipállu lii pivnohumos valastâllâmšlaajâ já Portugal lii miänástum tast pyereest.

Purrâmâš já juhâmâš

Portugalist ulmuuh poreh ennuv kuolijd ovdâmerkkân sardinijd já toorskijd. Portviini já madeiraviini láá njálgáh já pegâlmeh.

Fáádást eres soojijn

• Wikimedia Commonsist láá koveh teikkâ eres tiätuvuárháh fáádást Portugal.