Debrecen
| Debrecen | |
|---|---|
 |
|
 |
 |
  Debrecen |
|
|
Koordinaateh: |
|
| Staatâ |
 Uŋgar |
| Kuávlu | Észak-Alföld |
| Lääni | Hajdú-Bihar |
| Servikodde | Debrecen |
| Vijđodâh | 461,66 km² |
| Alodâh | 121 m |
| Ässeeloho | 200 974 (1.1.2021) |
| Ässeesaahâdvuotâ | 435,33 ässed/km² |
| Äigi | UTC+1 |
| – kesiäigi | UTC+2 |
| Postânummeer | 4000–4044, 4225 |
| Sundenummeer | (+36) 52 |
Debrecen [ˈdɛbrɛt͡sɛn] lii Uŋgar nubben stuárráámus kaavpug Budapest maŋa. Kaavpug lii Uŋgar nuorttâuásist Romania rääji aldasijn. Debrecenist ääsih 200 974 olmožid (1.1.2021). Kaavpug vijđodâh lii 461,66 km.[1]
Debrecen lii lamaš Jyväskylä ustevvuotâkaavpug ive 1970 rääjist.[2]
Historjá
[mute | mute käldee]Kaavpug nommâ (häämist Debrezun) mainâšuvvoo vuossâmuu keerdi ive 1235.[3]
Viehâdâh
[mute | mute käldee]Ässeeloho
[mute | mute käldee]| Debrecen ässeeloho iivij 1870–2021 |
 |
| Käldee: Központi Statisztikai Hivatal[4] |
Debrecen ollâopâttâh
[mute | mute käldee]Debrecenist lii Uŋgar puárásumos ollâopâttâh, mon toimâ lii jotkum puáđhuhánnáá siämmáá saajeest. Ollâopâttâh madduuh láá jo ivveest 1538.[5] Onnáá peeivi Debrecen ollâopâttuvâst loheh suullân 30 000 uápped 14 tieđâkoddeest.[6] Ive 1927 rääjist Debrecen ollâopâttuvâst lii toimâm kesiškovlâ, mii fáálá uŋgarkielâ kuursâid olgoeennâmláid.[7]
Debrecen kukkákarnevaal
[mute | mute käldee]Porgemáánust Debrecenist uárnejuvvoo pegâlmâs kukkákarnevaal (uŋgarkielân virágkarnevál). Karnevaal lii juhlum Uŋgar aalmuglâšpeeivi kunnen porgemáánu 20. peeivi ive 1966 rääjist.
Kukkákarnevaaleh pišteh onnáá peeivi suullân oho. Ohjelmist láá puohlágáneh konserteh, párnáitábáhtumeh já teatterčaitâlmeh. Stuárráámus tábáhtume lii kuittâg ain kukkápaaraat porgemáánu 20. peeivi. Paratist láá fáárust jieškote-uvlágáneh váávnuh, moh láá čiŋâttum kukkáiguin. Kukkákarnevaal lii uáli pivnohis tábáhtume, já tom puátih meid ennuv turisteh keččâđ.[8]
Ustevvuotâkaavpugeh
[mute | mute käldee]Debrecen ustevvuotâkaavpugeh láá:
Brno, Tšekki
Cattolica, Italia
Jyväskylä, Suomâ
Klaipėda, Liettua
Limerick kreivikodde, Irland
Lublin, Puola
New Brunswick, New Jersey, Ovtâstum staatah
Tavenuorttâlâš haaldâtlâš pirrâdâh, Moskova, Ruoššâ
Oradea, Romania
Paderborn, Saksa
Patras, Kreikka
Rishon LeZion, Israel- Pietari, Ruoššâ
Setúbal, Portugal
Shumen, Bulgaria- Syktyvkar, Ruoššâ
Taitung, Taiwan
Toluca, Meksiko
Tongliao, Kiina
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Debrecen.
- Debrecen kaavpug virgáliih nettisiijđoh (uŋgarkielân)
Käldeeh
[mute | mute käldee]- ↑ Központi Statisztikai Hivatal www.ksh.hu. Čujottum 31.5.2022.
- ↑ Jyväskylän ystävyyskunnat www.jyvaskyla.fi. 16.2.2018. Čujottum 31.5.2022. (suomâkielân)
- ↑ Web Archive web.archive.org. Čujottum 31.5.2022.
- ↑ Központi Statisztikai Hivatal www.ksh.hu. Čujottum 13.6.2022. (uŋgarkielân)
- ↑ From the Reformed College to the University of Debrecen | University of Debrecen unideb.hu. Čujottum 31.5.2022.
- ↑ Welcome Message | University of Debrecen unideb.hu. Čujottum 31.5.2022.
- ↑ About Us – Debrecen Summer School nyariegyetem.hu. Čujottum 31.5.2022.
- ↑ Kezdőlap Debreceni Virágkarnevál. Čujottum 31.5.2022. (uŋgarkielân)