Nora (kvinnenamn)
Personar med namnet Nora
Fyrste namneberar
Den fyrste som vart registrert med namnet, var Nora Muller fødd 1811 i Flekkefjord, busett i Norderhov i 1865.
Kulturell bruk
- Den svenske diktaren Esaias Tegnér lét Nora personifisere Noreg i «Mor Norge» (1820).
- Nora i Henrik Ibsens «Et Dukkehjem» (1879). I nokre land, f.eks. Russland, heiter skodespelet ganske enkelt «Nora».
Kjende personar med namnet Nora
Eit utval personar med namnet Nora, og som er omtalt i Store norske leksikon:
- Nora Gulbrandsen (1894–1978)
- Nora Fauchald (1898–1971)
- Nora Brockstedt (1923–2015)
- Nora Ephron (1941–2012)
- Nora Farah (1964)
- Nora Gomringer (1980)
- Nora Mørk (1991)
Namnestatistikk
I 2022 var det 12 257 kvinner i Noreg som hadde Nora som det einaste førenamnet eller som det fyrste av fleire, og Nora var blant dei 50 mest brukte namnet blant norske kvinner. I 2022 var det 338 jenter som fekk namnet Nora, og det var det mest populære jentenamnet dette året.
Utvikling i bruk av namnet
Nora høyrer til ei gruppe tostava namn på -a som har toppfasen sin på 2000-talet, til dømes Ada, Alva, Dina, Frida, Hedda, Kaia, Lea, Maja, Mia, Oda, Ronja, Runa, Sanna, Stella, Thea og Ylva. Dette står i motsetning til dei tostava namna på -a med to toppfasar – både rundt år 1900 og på 2000-talet – til dømes Emma, Laura, Selma, Ebba og Klara. Nora har vore mest brukt etter 2015, og dette kan sjåast i samanheng med jenta Noora i den populære TV-serien «Skam» (2015–2017).
Geografisk variasjon på 1800-talet
Nora var mest brukt i Kristiania, Vestfold og Nordland.
Nora var mest brukt i Kristiania, Vestfold og Nordland.
Les meir i Store norske leksikon
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.