6. Februoar
Die säkste Februoar is die 37. Dai fon dän Gregorioansken Kalänner, somäd blieuwe deer noch 328 (of in Skaltjiere 329) Deege bit tou dät Eende fon't Jier tou.
Foarfaale
[Beoarbaidje | beoarbaidje Wältext]- 1831: Die ap n 2. Februoar käddene Bartolomeo Alberto Cappellari wäd unner dän Noome Gregor XVI. foar'n Poabst kround.
- 1840: Fertreedere fon ju britiske Kroune sluute mäd Fertreedere fon do Maori dän Ferdraach fon Waitangi, die Näiseelound unner britiske Regierenge brangt. Die Ferdraach is twosproakich, hie is ap Ängelsk un ap Maorisk ferfoated. Dät Problem deerbie is, dät Failere in ju Uursättenge deertou fiere, dät deer nit dät sälge oane stoant, sodät do Briten heel uur Gjuchte uut dän Ferdraach ouleede, as do Maori do toustounde wüülen.
- 1919: Ju Weimarer Nasjonoalfersammelenge wäd fon Friedrich Ebert eepend.
- 1922: Kardinoal Achille Ratti wäd ätter fjauer Deege Konklave foar'n Poabst kädden un nimt dän Noome Pius XI. oun.
- 1952: Mäd dän Dood fon hieren Foar Georg VI. wäd Elisabeth II. Köäniginne un Stoatsupperhaud fon't Fereende Köänichriek un uur Lounde fon dän Commonwealth. Ju is tou düsse Tied in Kenia unnerwaiens un ferbrangt ju Noacht in dät Treetops Hotel.
Tou Waareld keemen
[Beoarbaidje | beoarbaidje Wältext]- 1904: Twäin Deege, eer Japan dän Japoansk-Rusken Kriech begint, bräkt dät sien diplomoatiske Ferbiendengen tou Ruslound ou un lukt sin Boskupper uut Sänt Päitersbuurich ou.
- 1911: Ronald Reagan, US-amerikoansken Skauspieler, 33. Gouverneur fon Kalifornien, 40. Präsident fon do USA.
- 1918: Lothar-Günther Buchheim, düütsken Skrieuwer un Moaler
- 1945: Bob Marley, jamaikoansken Musiker
- 1961: Malu Dreyer, düütske Politikerske (SPD), Ministerske fon't Lound un Ministerpräsidäntinne fon Rhienlound-Palts
Stuurwen
[Beoarbaidje | beoarbaidje Wältext]- 1740: Clemens XII., Poabst
- 1770: Franz Kaspar von Franken-Siersdorf, prüüsken Wäibiskop in Köln
- 1804: Joseph Priestley, britisk-US-amerikoansken unitaristisken Pestoor un Theologe, Philosoph, Chemiker un Physiker
- 1918: Gustav Klimt, Aastrieker Kunstler in dän Juugendstil
- 1952: Georg VI., britisken Köänich
- 1967: Henry Morgenthau, US-amerikoansken Politiker
- 2020: Li Wenliang (李文亮 / Lǐ Wénliàng), chineesken Dokter, in Wuhan, die as aan fon do eerste ju Kroankhaid COVID-19 ärkoand un juun dän Wierstound fon ju chineeske Politik eepentelk moaked hiede, eer hie sälwen doodelk deerfon kroank wuuden is.