Dunkerque
| Dunkerque | ||
| ||
| Dät Räidhuus fon Dunkerque
| ||
| Statistieke | ||
| Ienwoonertaal | 89.882 (2013) | |
| Fläche | 43,89 km² | |
| Befoulkengstichte | 2.047,89 Ienw. km² | |
| Höchte | 4 m. buppe N.N. (0–17 m) | |
| Politik | ||
| Lound |  Frankriek
| |
| Region | Hauts-de-France | |
| Departement |  Nord (59)
| |
| Buurmäster | Patrice Vergriete | |
| Uur | ||
| Postleittaal | 59140, 59240, 59430, 59640, 59279 | |
| Tiedzone | UTC +1 | |
| *Suumertied | UTC +2 | |
| Koordinoaten | 51° 2′ 18″N, 2° 22′ 39″E | |
| Websiede | www.ville-dunkerque.fr | |
2.svg)
Dunkerque (Wäästfräisk: Dúntsjerk, Niederloundsk: Duinkerke(n), Düütsk: Dünkirchen) is ne industrielle Hoawenstääd in Noud-Frankriek äntloang ju suudelke Noudseekuste, sowät twintich Kilomeetere wäch fon ju wäästflämiske Meente De Panne an dät belgisk-frantsööske Skeed. Ju Stääd is ju Haudsteede fon dän glieknoomige Arrondissement wät uureenstämme bienaist mäd dät frantsööske Deel fon die Westhoek, in dät Noude fon ju aleer Provinz Frantsöösk-Flandern.
Dunkerque is uk ne Unnerpräfekture fon dät frantsööske Departement Nord un ne Meente in ju Region Hauts-de-France, mäd ne Flakte fon 43,89 Quadroatkilomeetere. Deer woonje uungefeer njuugenduusend Moanskene. Touhoope mäd säkstien uur Meenten bildet ju Stääd ju Stäädgemeenskup Dunkerque wier bolde dwoohunnertduusend Ljuude lieuwje.[1]
Dunkerque is gjucht bekoand uum sien Seehoawen uum dän Sleeuwekanoal, wäkke dän träädwichtichste Seehoawengebiet fon Frankriek is, ätter dän fon Marseille un Le Havre, mäd twiske fjautich bit füüftich Millione Tonnen uumsloain jierelk.[2]
Dunkerque rakt sien Noome an sien berüümd Karneval, ju sänt 1946 älk Jier heelden wäd.
Geskichte
[Beoarbaidje | beoarbaidje Wältext]Dunkerque wuude wäil uum dät Jier 966 gruunded oaber ju ooldste Noomenmäldenge stamt uut 1067.[3] Die Steedenoome, die ferwiest ap ju Gründenge fon ju Kapelle in do Duunen in dät Eende fon't 10. Jierhunnert, kumt uut dät Flämisk un betjudt woudelk uursät „Duunen-Säärke“. Doo waas Dunkerque n Fiskertäärp.
Ferbiendengen ätter buuten
[Beoarbaidje | beoarbaidje Wältext]- Offisjelle Websiede fon ju Stääd (ap Frantsöösk un Ängelsk)
- Offisjelle Websiede fon dät Amt foar Tourismus (ap Frantsöösk, Ängelsk un Niederloundsk)
- Offisjelle Websiede fon ju Stäädgemeenskup (ap Frantsöösk)
- Offisjelle Websiede fon dät Seehoawengebiet (ap Frantsöösk, Ängelsk un Mandarin)
Commons: Dunkerque – Sammelenge fon Bielden, Filme un Heerdoatäie