Surah Nuh
| Nuh نوح |
|
|---|---|
| Informasi | |
| Golongan | Makiyyah, |
| Surah ka | 71 |
| Juz | Juz 29 |
| Waktu turun wahyu | 71 [1] |
| Statistik | |
| Jumlah ayat | 28 ayat |
| Jumlah kecap | 224 |
| Jumlah aksara | 959 [2] |
Surat Nuh (Basa Arab:نوح, "Nuh") nyaéta surat ka-71 dina Al Qur'an. Surat ieu kaasup surat Makkiyah kawengku 28 ayat, turun sabada surat 16 an-Nahl (ka 70, dumasar turun). Dingaranan surat Nuh karana ieu surat ngiberkeun da'wah, jeung du'a Nabi Nuh a.s ka kaomna.
Eusi Poko ieu Surat
éditEusi pokok ieu surat, di antarana:
- Nabi Nuh a.s dipiwarang da'wah.
- Nabi Nuh a.s. ngadukeun kaomna.
- Istighfar ngajembarkeun rejeki.
- Paréntah niténan alam, kajadian manusa minangka tanda kaagunga Alloh.
- Siksa di dunya jeung ahérat keur kaom Nabi Nuh a.s nu kafir.
- Du'a Nabi Nuh a.s.
Ayat jeung tarjamah
édit
إِنَّآ أَرْسَلْنَا نُوحاً إِلَىٰ قَوْمِهِ أَنْ أَنذِرْ قَوْمَكَ مِن قَبْلِ أَن يَأْتِيَهُمْ عَذَابٌ أَلِيمٌ
(1) Saéstuna Kami geus ngutus Nuh ka kaomna, Cig béré pépéling kaom anjeun saméméh datang siksa nu peurih.
قَالَ يٰقَوْمِ إِنِّي لَكُمْ نَذِيرٌ مُّبِينٌ
(2) Pok (Nabi Enoh) ngadawuh: Yeuh kaom kula, kula téh minangka nu méré pépéling nu jelas.
أَنِ ٱعبُدُواْ ٱللَّهَ وَٱتَّقُوهُ وَأَطِيعُونِ
(3) Aranjeun kudu sumembah ka Alloh tur takwa ka Mantena.
يَغْفِرْ لَكُمْ مِّن ذُنُوبِكُمْ وَيُؤَخِّرْكُمْ إِلَىٰ أَجَلٍ مُّسَمًّى إِنَّ أَجَلَ ٱللَّهِ إِذَا جَآءَ لاَ يُؤَخَّرُ لَوْ كُنتُمْ تَعْلَمُونَ
(4) Tinangtu Anjeuna ngahampura dosa aranjeun jeung méré waktu ka aranjeun. Lamun geus cunduk waktuna moal bisa diundurkeun deui mun aranjeun arapal.
Tadabbur jeung Tadzakkur
éditAlloh SWT dina ieu surat maparin ka Nabi Muhammad saw iber patali jeung da'wahna Nabi Enoh a.s. tur kumaha mantangul kaomna.[3]
Teu kendat beurang jeung peuting ngajak kaomna kana bebeneran tapi matak handeueul, aningan. Kaomna lolobanaana malah ngajejeléh, ku kituna dinamian anjeunna téh Nuh tina kecap niyahah anu hartina loba ceurik nyeungceurikan kaomna nu teu daék toat ka Alloh, 950 taun da'wah tapi nu aya matak ngenes hasilna, da hidayah mah hak prerogatif Alloh.
Ieu surat jadi pangbeberah ka Nabi Muhammad s.a.w. dina nyanghareupan kaom kafirin Qurésy nu deleka ka Nabi s.a.w jeung umat Islam dina awal-awal nyiarkeun Islam.
Rujukan
édit- ↑ Mushaf al-Madinah an-Nabawiyah (bi-Riwayah Hafsh). Madinah: Mujamma' al-Malik Fahd li-Thiba'ah al-Mushaf asy-Syarif. Halaman Ba'
- ↑ Bashair Dzittamyiz Fi Lathaif al-Kitab al-Aziz, al-bab al-awwal at-thorf ats-tsany a-mawaqif, bashirat fi إِنَّآ أَرْسَلْنَا, Mazdudin Fairuz Abadi Muhammad bin Ya’qub
- ↑ Ibnu Katsir, Tafsir Al-Qur'anil Karim, suratu Nuh
Tumbu kaluar
édit| Surat sateuacanna: Al Ma'arij |
Surat 71 | Surat saparantosna: Al Jinn |
| Al Qur'an | ||
|
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 | ||
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |