Hélsinki
Hélsinki | |||
|---|---|---|---|
Kota | |||
| Helsingin kaupunki | |||
 Ti luhur: Katédral Helsinki, Cakrawala Kota Helsinki, Bangunan Sanoma jeung Kiasma, Pusat Kota Helsinki dimalam hari, Pantai di Aurinkolahti, Gedong Parlemen jeung Suomenlinna. | |||
| |||
| Ngaran jujuluk: Stadi, Hesa[1] | |||
 Lokasi di Uusimaa jeung Sub-région Hélsinki | |||
 Lokasi di Kawasan Mégapolitan Hélsinki | |||
  Hélsinki Lokasi di Finlandia | |||
| Koordinat: 60°10′15″N 24°56′15″E / 60.17083°N 24.93750°EArgumen-argumen yang tidak sah telah diberikan kepada fungsi {{#coordinates:}} | |||
| Nagara |  Finlandia | ||
| Région | Uusimaa | ||
| Pamaréntahan | |||
| • Walikota | Jan Vapaavuori | ||
| • Wakil Walikota | - | ||
| Lega | |||
| • Kota | 672,08 km2 (25,949 sq mi) | ||
| Réngking lega | 258 | ||
| Zona wanci | UTC+2 (EST) | ||
| • Usum Panas (DST) | UTC+3 (EEST) | ||
| Kode aréa | (+358) 9 | ||
| Ramatloka | www.hel.fi | ||
Hélsinki nyaéta ibukota nagara Finlandia anu aya di beh kidul sarta mangrupa kota panggedéna nu aya di Finlandia.[2] Daerah Helsinki Raya (Greater Helsinki) ngawengku leuwih loba kota-kota di sabudeureunana jeung miboga 1,4 juta masarakat, ngajadikeun munisipalitas masarakat anu panglobana jeung kawasana urban anu panggedéna di Finlandia.[3]
Hélsinki mangrupa puseur bisnis, keuangan, modeu, média, budaya di Finlandia kalawan jajaran muséum, galeri, jeung tempat minton. Kurang leuwih pausahaan luar negeri anu aya di Finlandia tempatna di ieu kota.[4] Munisipalitas pangdeukeutna di Vantaa nyaéta lokasi Bandar Udara Hélsinki anu miboga jadwal di sababaraha kota di Eropa jeung Asia. Hélsinki miboga warga asing anu panggedéna di Finlandia boh dina jumlah anu nyata boh ditingali tina présentasena. Maranéhanana diwengku ku 130 kawarganagaraan kalawan mayoritas ti Rusia, Estonia, jeung Swedia. Dina taun 2006, Hélsinki diperhatikeun ku sakuliah dunya lantaran Finlandia nyekel jabatan présidén Uni Eropa ti bulan Juli tepi ka Désémber 2006.
Ieu kota meunang jujuluk minangka kota anu pangjujurna di dunya.[5] Lamun aya 12 dompét anu murag atawa leungit di ieu kota, 11 dompét pasti bakal balik deui ka nu bogana.[5]
Dina sajarahna, Finlandia kungsi dijajah ku Uni Soviét dina mangsa harita ibukota Finlandia dipindahkeun ti Turku ka Hélsinki.[2] Sésa-sésa titinggal jajahan Uni Soviet masih katingali di ieu kota, loba wangunan sajarah anu ngagunakeun wangun desain jeung arsitéktur anu sarimbag jeung wangunan di Rusia.[2]
Di jaman ayeuna, Hélsinki mangrupa kota métropolitan kalawan sistem transportasi jero kota anu katata kalayan hadé, sarta fasilitas nu ngadukung transportasi modérn anu nyambungkeun Hélsinki jeung kota-kota lainna sarta jeung nagara lain boh ngaliwatan jalur darat, laut, atawa udara.[2]
Kaayaan cuaca di Hélsinki henteu saékstrim kota-kota di béh kalér atawa nagara Skandinavia lianna, lantaran lokasi jeung pangaruh laut Baltik anu ngabalukarkeun hawa waktu usum panas henteu luhur teuing jeung usum tiis henteu handap teuing.[2] Tapi Hélsinki masih ngalaman peuting anu kacida lilana waktu usum tiis jeung beurang anu panjang waktu usum panas.[2] Sakumaha nagara-nagara di Eropa béh kalér, waktu usum panas, lolobana usaha satékah polah ngamangpaatkeun cahya panonpoé saloba-lobana keur moé atawa ngalakukeun kagiatan sapopoé di luar ruangan saperti taman kota jeung tempat umum lianna.[2] Di taman kota, warga lokal bakal ngumpul bari balakécrakan botram, panggih jeung babaturanana atawa ngariung sakulawarga.[2] Dina usum panas di ieu taman kota bakal loba anu ngajual kadaharan jeung és krim sarta seniman jalanan anu mintonkeun kaahlian maranéhanana keur ngahibur para pangunjung sacara haratis.[2]
Tempat anu ngirut jeung jadi puseur kagiatan masarakat lokal jeung wisatawan téh nyaéta Market Square.[2] Ieu tempat aya di sisi laut anu jadi palabuan rupa-rupa kapal cai anu gedé jeung leutik.[2] Ieu pasar mangrupa salah sahij pasar terbuka anu kasohor di Eropa Utara.[2] Di dieu, pangunjung bisa balanja souvenir, pakéan, kembang, buah, jeung barang kabutuhan lianna.[2] Tukang dagang kadahareun di ieu pasar jualan dina ténda-ténda kalawan harga anu kawilang murah lamun dibandingkeun jeung tempat lianna di Hélsinki.[2] Maranéhna ogé nawarkeun rupa-rupa kadaharan saperti Salmon, baso, cemilan, jeung kadaharan Asia.[2] Henteu jauh ti Market Square, aya jajaran toko anu ngajual barang-barang mérek internasional sanajan barang anu ditawarkeun henteu pati loba jeung lengkep siga di Eropa Barat.[2]
Hélsinki mangrupa kota anu beunghar ku sajarah jeung budaya, lantaran di ieu kota loba muséum anu méré informasi-informasi jeung neundeun titinggal sajarah jeung budaya.[2] muséum anu kasohor jeung ngirut keur para wisatawan nyaéta muséum Nasional Finlandia, muséum Seni Kontempori Kiasma, muséum Gallen Kallela anu mangrupa palukis kasohor di Finlandia jeung muséum Seni Nasional Finlandia Ateneum.[2] Salian ti wangunan anu jadi puseur atraksi di Hélsinki lantaran desain arsitéktur jeung kagunaanana keur Central Railway Station, Universitas Hélsinki, Stadion Olimpiade Hélsinki, Suomenllinna di mana aya Swedish Castle, Senate Square.[2]
Rujukan
[édit | édit sumber]- ↑ Ainiala, Terhi (2009). "Place Names in the Construction of Social Identities: The Uses of Names of Helsinki". Research Institute for the Languages of Finland. Diakses tanggal 22 September 2011.
- ↑ a b c d e f g h i j k l m n o p q r s Aswin, Dylla. "Helsinki Kota dengan Sejarah Rusia". Indotravelers. Diakses tanggal 28 Februari 2018.
- ↑ "Taulukko: Taajamat väkiluvun ja väestöntiheyden mukaan 31.12.2013". 31 December 2013. Diakses tanggal 5 Maret 2018.
- ↑ "Helsinki Region Marketing Ltd — Helsinki Region in Brief". Web.archive.org. 2 December 2007. Diarsipkan dari versi asli tanggal 2 December 2007. Diakses tanggal 6 Maret 2018. Archived 2 Désémber 2007 di Wayback Machine
- ↑ a b Azis, Ibnu. "Helsinki, Ibu Kota Finlandia Ini Berpredikat Kota Paling Jujur di Dunia". Sidomi. Diakses tanggal 5 Maret 2018. Archived 2018-04-14 di Wayback Machine