Marty Natalegawa
| Marty Natalegawa | |
|---|---|
| |
| Menteri Luar Negeri Indonesia | |
| Incumbent | |
| Awal jabatan 22 Oktober 2009 | |
| Présidén | Susilo Bambang Yudhoyono |
| Saméméhna | Hassan Wirajuda |
| Katerangan lian | |
| Gumelar | 22 Maret 1963 Bandung, Jawa Kulon |
| Pameget/istri | Sranya Bamrungphong |
| Alma mater | Australian National University Corpus Christi College London School of Economics Ellesmere College Concord College |
| Profési | Diplomat |
| Ageman | Islam |
Dr. Raden Marty Muliana Natalegawa, M.Phil, B.Sc (gumelar di Bandung, Jawa Kulon, 22 Maret 1963; umur 61 taun) nyaéta Duta Indonésia pikeun PBB saprak 5 Séptémber 2007.[1] Manéhna kungsi jadi juru wicara Departemen Luar Nagri Républik Indonésia.[rujukan?] Saméméh meunang pancén minangka Duta di PBB, manéhna téh jadi Duta Indonésia pikeun Inggris jeung Irlandia saprak 11 Nopémber 2005 nepi ka 5 Séptémber 2007.[2] Marty boga pangalaman dina dunya diplomasi internasional.[rujukan?]
Dina bulan Nopémber 2007, Marty meunang kapercayaan penting minangka Présidén Déwan Kéamaan PBB.[rujukan?]
Marty nyaéta lulusan Australian National University dina taun 1993 kalayan gelar doktor.[rujukan?] Saméméhna, manéhna kungsi nyuprih élmu di London School of Economics, Universitas Cambridge, Inggris.[rujukan?] Sanggeus ngahontal strata dua di Inggris, manéhna ngamimitian digawé di Departemén Luar Nagari dina taun 1986.[rujukan?]
Manéhna ogé kungsi nyekel kalungguhan minangka kapala delegasi nagara pikeun sajumlah konferénsi internasional, interaliansi jeung Perserikatan Bangsa-bangsa (PBB), Gerakan Non-blok, konferénsi organisasi Islam, sarta ASEAN. Manéhna ogé kungsi jadi délegasi Indonésia pikeun Déwan Kaamanan PBB sarta dialog trilateral di Timor Timur sarta Diréktur Jéndral ASEAN (2003-05).[rujukan?]
Présidén Susilo Bambang Yudhoyono nunjuk manéhna jadi Menteri Luar Negeri dina Kabinét Indonésia Bersatu kadua, ngaganti pajabat saacanna Hassan Wirajuda.[rujukan?] Manéhna dilantik dina 22 Oktober 2009.[3]
Ti pernikahanana jeung Sranya Bamrungphong, manéhna meunangkeun tilu urang anak, nyaéta Annisa, Anantha jeung Andreyka.[rujukan?]
Rujukan
[édit | édit sumber]
- (id) "Marty Natalegawa Raih "PR Society Award 2004"", Harian Pelita[tumbu nonaktif], 26 Januari 2005 (Salinan Google[tumbu nonaktif])
- (id) "Kalau Bisa Dipersulit, Mengapa Dipermudah?", KOMPAS, 6 Juli 2003
- (id) "Marty Natalegawa: Saya Bangga Bisa Mewakili Bangsa Indonesia di Forum Internasional", Era Muslim, 3 Februari 2005
| Jabatan pulitik | ||
|---|---|---|
| Saméméhna Hassan Wirajuda |
Menteri Luar Negeri Indonesia 22 Oktober 2009 – kiwari |
'Ngajabat |
- ↑ Okezone. "Profil Menlu, Marty Matalegawa : Okezone News". https://news.okezone.com/ (dalam id-ID). Diakses tanggal 2021-12-13.
- ↑ "Profil - Raden Mohammad Marty Muliana Natalegawa". merdeka.com. Diakses tanggal 2021-12-13. Archived 2021-12-13 di Wayback Machine
- ↑ "Profil - Raden Mohammad Marty Muliana Natalegawa". merdeka.com. Diakses tanggal 2021-12-13. Archived 2021-12-13 di Wayback Machine